هيدى كرم: تعيين أطباء وظيفتهم احتواء أهل المرضى في المستشفى

علقت الفنانة هيدى كرم، على تعيين أطباء وظيفتهم احتواء أهل المرضى فى المستشفى، قائلة : " لو واحد عنده حد مريض فى المستشفى بيقى دائما قلقان جدا عليه..وبينتظر الدكتور اللى بيخرج من الحجرة علشان يطمن على المريض، سواء كان أبوة أو من أحد الأقارب.. وفى أغلب الأحيان بيبقى قريب المريض متوتر جدا، والتوتر ده كله ممكن يخرج فى وش الدكتور..والدكتور اللى معاه الحالة بيبقى واقع تحت ضغط نفسى كبير لأنه عاوز يريح أهل المرض ".

وأضافت هيدى كرم، خلال برنامجها "كلام ستات المذاع على قناة "ON E"، والذى يقدمه كلا من الفنانة نهال عنبر والفنانة ندى رحمى، " الدكتور اللى بيعالج المرض عاوز يخرج يبلغ أهل المريض عن حالته ومنتظر منهم رد فعل شديد.. ولكن فى الأردن عملوا حاجة جديدة ومبتكرة جابوا متخصص للحديث مع أهالى المرضى..والمتخصص بيبقى حلقة وصل ما بين الطبيب، وأهالى المريض.. متخصص لاحتواء أهالى المرضى".

وعلقت الفنانة ندى رحمى، قائلة " شغلت المتخصص ده أكبر من الدكتور نفسه.. قبل ما يدخل دكتور العمليات يجرى عمليه للمريض يقول له المتخصص ركز عشان أنا لسة واخد 9 غرز من أهل المريض بتاع امبارح".