القارئ أحمد حامد كشك يكتب إمتى و كيف

ابطل حب إمتى و كيف

و حبك كيف في شراييني

ازاي موجه البعد كسرتنا

و ضيعت عليا احلى سنيني

دا الورد جنبك كان بيموت

و انتي بإيدك كنتي بتسقيني

قولتي كل مر سـ يمر

و العمر اهو مر

و سبتيني

و اللي غاب من غير اسباب

عمر العتاب ما هيوجعه

راحت فين ايام زمان

 ايام ما كنت بدلعه

ذكريات فاتت سكات

و قلبي بايديها بتولعه

قليل الاصل بان

متقولش في التوهان

و انا مش ندمان

على حبيب كنت بعشقه

مسكت قلمي و كراستي

و قصيده بعنوان انا اتعلمت

يا اجمل ورده فـ جنينه

في عشق ريحتها انا اتجننت

يا اللي فيكي الف حاجه

صعب انها تتوصف

يا احلى جنه عشت فيها

يا اجمل ورده تتخطف

حالتي قصه بـ ألف حاجه

ايدايا كانت ترتجف

يا ارض عرفتها فجاه

و حبي ليكي بيتنزف

يا اطهر من رقم فلكي

و صوت عياطي بيتعزف

واقفه بس على بابي

وقفه فراشه على الصبار

انا استغفرت بوجودك

وجودك توبه و استغفار

بس خدتي القرار تسيبي

و بقرارك موتي احلامي

و لما بعدتي قولت هجمد

كله قال سلام فعادي

نمت يومها صحيت حزين

صاحبه ليها قالت لي يا احمد

انسى خلاص حب السنين

دا كل شىء قسمه و نصيب

قلبي دمع في ليل طويل

عقلي اصلا كان عليل

مش مصدق مستحيل

ساعه بساعه و اليوم دا فات

مش بنسهر بالساعات

بنحكي لبعض على حاجات

قوليلي طيب ايه مفيش

طب احكي شويه

من غير تفييش

دمع قلبي سنين كتير

دا جرحه غريب ملهوش طبيب

بعد سنين حياتنا تقولي

لا يا احمد مفيش نصيب

كنت حاسس بس ايه

بعد ايه فاد الاحساس

و مش مسامح لا خلاص

هو كأس و شربت منه

و كنت عارف من الاساس

حياتي بعدك فل تمام

مش مهم الاهتمام

مفيش رجوع للكلام

و لو خبطتي على البيبان .