القارئ وائل عبد الودود حسين يكتب: أنا الطائر الحر

أنا الطائر الحر

أنا مش حرف جر

لا مخبى جوايا سر

ومسالم مش بضر

أنا الطائر الحر

ولا جوايا أى شر

لا بتكسر ولا بهر

وفى الحياة مستمر

أنا الطائر الحر

صامد زى الصخر

بقلب قوى قلب نسر

لا بحب الغدر

وأحفظ ألف سر

أنا الطائر الحر

ضد الصدى والكسر

لا أستسلم لاى أسر

ويقينى مع العسر يسر

أنا الطائر الحر

فارد جناحى الكبير

عالى فى السما بطير

وقلبى فى الوفا أسير

عايش وكأنى أمير

أنا الطائر الحر

متفائل ومش سائل

ليه الحال بقى مائل

دى الدنيا كلها مسائل

وكل شوية تبعت رسائل

كل شيء فيها زائل

أنا الطائر الحر

أقاسى البرد وأهاجر

ولا بالمشاعر راح اتاجر

لا فى الحياة عايش فاجر

ولا فى جيوبى ماسك خناجر

أنا الطائر الحر

أنا فى صمتى الصبر

وف طبعى الخير والبر

لا اعرف غدر ولا كبر

وبينى وبين الرحيل شبر

أنا الطائر الحر

فى مشقة وتعب وعذاب

من اول لأخر الكتاب

لا فقدنا اليأس والصواب

بس الإحساس عندنا شاب

واللى مصبر شوية أحباب

أنا الطائر الحر

فى صوتى لغة الحرية

وف صمتى سيرة اخلاقية

وف طبعى مش الانانية

وروحى حرة أبيه

أنا الطائر الحر

اللى فى قلبى موجوع

وسط الريح مسموع

طريق وما له رجوع

هى دى خلاصة الموضوع

أنا الطائر الحر

روحى تطيب بذكر الله

وعندى أمل وثقة فى الله

بلا حول ولا قوة الا بالله

انا الطائر الحر

بحن لأيام الصبا

لناس بريئة وطيبة

قلوب بسيطة قريبة

ناس عن الدنيا رحلوا

بالسيرة والذكرى تركوا

فى عروش قلوبنا سكنوا

ولو غايبين كانهم حضروا

انا الطائر الحر

أغمض عينى لارتاح

أمد جناحى فى البراح

أقعد ألملم فى الجراح

لكن ولا أبكى على اللى راح

أنا الطائر الحر

أرسم كلمات الأغاني

ولوحاتى تقاسى و تعانى

تعلو معها الاهات

وتارة ترسم الضحكات

أفرح بنزول المطر

وفى رائحته عطر

لا يهمنى أى بشر

وكل شيء فى الدنيا بقدر

أرقص مع النسمات

ولا تهزنى أى أزمات

كم مرة راحت ولا جات

أنا الطائر الحر

أعيش وسط الغرباء

ليسوا كأهل وأحباء

الطبع كذب ورياء

وعلى الفراق لست مستاء

فأنا من اختار البقاء

أنا الطائر الحر

أحلق وأطير عالياً

لا لشيء مبالياً

لم أعد قادراً

على احتمال غادراً

كنت عليه صابراً

أنا الطائر الحر

روحى ولدت حرة

ليست قابلة للأجرة

ترفض العيش ع اليابس

فى جسد يائس

ولا الرأس ناكس

فأنا مازلت فارس

أرهقته قسوة الأيام

والقلب مليء بالآلام

الدنيا أصابها الملل

وصبرى مثل الجمل

النفوس لا تحتمل

ولم تنطفى شمعة الأمل

أنا الطائر الحر

روحى تطير بلا حدود

بلا سلاسل ولا قيود

حيث لا تغرب الشمس

أضمد جراح الامس

أنا الطائر الحر

أبحث عن الراحة

عن نفوس مرتاحة

لا تعرف الخداع والخيانة

وعدم الوفاء بالأمانة

لا تعرف التزييف

فالشر له وجه مخيف

أنا الطائر الحر

أبحث عن الحب والهوى

مستقر لى ومأوى

يرتاح من نفوس ضغينة

من صيد قلوب مريضة

لا تعرف المشاعر

ومنها القلوب يهاجر

لعلى أجد من يخاويه

ومن فى الجرح يداويه

قد سئمت البحث

والنفوس لا تراعى ولا تحس