أسامة كمال: منتخب مصر حقق العلامة الكاملة.. وانتقادات "السوشيال" مبالغ فيها

رفض الإعلامي أسامة كمال، الانتقادات الواسعة لأداء المنتخب الوطني الأول لكرة القدم في بطولة أمم أفريقيا، موضحا: "حققنا العلامة الكاملة بـ3 انتصارات متتالية ورقم قياسى بالاحتفاظ بالانتصارات فى الدور الأول 15 مباراة متتالية".

وقال كمال، في برنامجه «مساء DMC»، المذاع عبر شاشة «DMC»، مساء اليوم الثلاثاء،: "مش معنى الكلام دة إننا من أول يوم امم افريقيا، مع الاعتراف أن منتخبنا آدائه وحش، بس هو أول مجموعته، لكن إن رأى السوشيال ميديا وناس كتير هو هجوم زايد أوي ع الفريق بشكل مبالغ فيه".

وأكمل :"المثير للعجب ووجود بوستات كتير من ناس بترشح وتدعم فرق تانية للفوز بالبطولة لأن منتخبنا بيكسب بالحظ وكبيره دور الـ ١٦ وهذا بيفكرني بنغمة 2006 لما كانت الناس دايسة ع فكرة انهم بيكسبوا بدعا الوالدين وقتها كنا بنقول ان اللى خرج من السبوبة بيهاجم لأنه كان عايز حتة من التورتة".

وتابع :"الكلام دة أكيد بيوصل للفريق، وأكيد كم التعليقات على فلان وعلان بتوصلهم، هو دة اللي عايزينه من لعيبتنا؟ هي دي الروح المعنوية اللي بنرفعها؟ معروف عن البطولات المجمعة أن المستوى بيطلع من مباراة لمباراة والسوشيال ميديا بتهاجم من أول مباراة".