اعترافات متهم بترويج الأقراص المخدرة: "هكمل تعليمى ومش كده تانى"

"مفيش انسان مش بيغلط، وأنا غلطت وهتعلم من غلطى، هكمل تعليمى، وهرجع لربنا، وأصلى واصوم، وأمشى عدل، عشان متحطش فى الموقف ده تانى، سهولة وسرعة المكسب الحرام غاونى ومشيت فى سكتهم، حسيت بالضياع لما اتقبض عليا، بس دلوقتى ناوى استفيد من خطأى ومكرر شده تانى".

بهذه الكلمات اعترف "صلاح.س" 24 سنة عاطل، بعد القبض عليه فى الأميرية متلبسا بحيازة كيلو من الأقراص المخدرة، وكشفت تحقيقات النيابة ، مع المتهم عن أنه استهدف جمع المال وتحقيق أرباح كبيرة.

وقال المتهم إنه اتخذ من الأميرية، مكانا له لترويج المواد المخدرة، لفشله فى الحصول على وظيفة تدر له دخلا معقولا ، وشدة احتياجه لسد متطلباته المعيشية، وتوفير مستلزمات بيته، فسلك طريق تجارة المخدرات.

وأمرت نيابة الأميرية، بحبس المتهم 4 أيام على ذمة التحقيق، وذلك بتهمة الاتجار فى الأقراص المخدرة، وحيازته كمية كبيرة منها، بقصد ترويجها فى المنطقة.

بدأت القضية بنجاح رجال الإدارة العامة لمكافحة المواد المخدرة فى القبض على "صلاح.س" 24 سنة عاطل، سبق اتهامه فى قضايا حيازة مخدرات، ومقيم الأميرية وبحوزته، كمية كبيرة من الأقراص المخدرة، حيث كشفت التحريات والمعلومات، سابقة اتهامه في قضايا حيازة واتجار بالمواد المخدرة.