عمرو أديب يعرض تسجيلاً صوتياً لعناصر الإخوان يكشف فشل دعوات التظاهر

عرض الإعلامى عمرو أديب، تسجيلاً صوتياً، لعناصر الإخوان الهاربة يكشف فشل دعوات التظاهر، نصها: "يا جماعة من فضلكم بس عاوزين نوضح رسالة مهمة جدًا، إن كل الدعوات والكلام على النزول قدام البيوت لحد ما يحصل تجمعات بشكل كبير وبعد كده يبدأ التحرك، فإن كان فيه حد نزل ميدان التحرير، دا كله ممكن يكون اجتهادات، إنما مش معنى إنك متلاقيش حد فى ميدان التحرير إن اليوم فشل أو الدعوة فشلت".

وأضاف أديب، خلال تقديمه برنامج "الحكاية"، على فضائية "MBC مصر"، : "فى الجزيرة بيتكلموا إن مفيش شرطة ولا أمن، بالك لو كان فيه شرطة وأمن كانوا قالوا دا هم خايفين"، قائلا :"ممكن تبقى مضايق عشان موضوع، لكن هم شغالين على إنهم يهدوا البلد، واللى يقولك يا عمرو عامل دماغك بدماغ محمد على، دى القنوات بتاعتهم القائد بتاعهم هو محمد على".

وتابع أديب: "فيه مشكلة بين قيادة الإخوان وشباب الإخوان، ودى المرادى فرصة ذهبية إن ترجع قيادة الإخوان تانى تقول الإخوان إحنا شغالين، وهنبعت فلوس".