"mini mom" جروب مختلف للماميز.. علا رشدى وإنجى وجدان أشهر عضواته

يصادف الأمهات من مستخدمى موقع التواصل الإجتماعى الأشهر "فيس بوك" الكثير من الجروبات الخاصة بتبادل الخبرات بين السيدات فى الكثير من مجالات الاهتمام بأطفالهم نفسيا وصحيا وتعليميا، ولكن فى الوقت نفسه يشكو البعض من وجود مشكلات بها.

وهذا ما وضعته "دينا ناصر" 26 عاما أمام أعينها عند تأسيسها جروب " mom mini"، مؤكدة أنها أهتمت أول شئ بالخصوصية فى اختيارها لأعضاء الجروب حيث يشكو الكثير من أعضاء الجروبات الأخري الخاصة بالأمهات بوجود أعضاء غير معلومى الهوية فى الوقت التى يتحدث به الأمهات بكل حرية عنهم وعن أبنائهم فيمكن أن يتم التعامل مع هذه المعلومات بشكل سئ.

وتقول "دينا" لـ"اليوم السابع" :" ابتديت الجروب من أقل من أربع شهور و من أول ما بصحي لحد ما بنام بظبط حاجات الجروب وبحط فيه كل الأفكار والحاجات اللي كان نفسي تبقى موجوده في جروب للامهات"، مؤكدة أن الجروب "انتقائي" جدا يعني لازم صاحبه البروفايل تكون حاطه صورة وأسمها مكتوب بشكل عادي مش أسماء مستعارة زي ما بنشوف".

وعن أهم ما يميز الجروب عن باقي الجروبات أضافت دينا :" اللي يميز الجروب ان في أقل من أربع شهور بقى فيه معظم الحاجات اللي الأمهات عاوزاها وافكار جديده.. أولا كل يوم أحد في بوست الأمهات تقدر تبيع كل الحاجات الجديده او المستعملة لاولادها وفي أمهات كتير بتشتري الحاجات".

كما يهتم الجروب بالحالات الإنسانية، فتقول دينا:"أى أم تعرف حاله طفل محتاج مساعده بتنزل بوست واللي تعرف تساعد بتساعد بس بشرط الأم لازم تكون تعرف الحاله معرفه شخصية"، وذلك إضافة إلى الدعم النفسي الذى يقدمه الجروب للأمهات فى حالة شعور أيا منهن بحالة نفسية سيئة أو اكتئاب الحمل والولادة".

وأضافت دينا قائلة : الجروب اتعرف لدرجة كبيرة وفيه ناس كتير جدا معروفه علا رشدي، رزان مغربي، يارا نعوم، إنجي علاء، إنجي وجدان، اسما شريف منير، المذيعة أميرة بدر، هنادي مهنا، هدى هاني، فرح يوسف".

وأكدت دينا أنها تعمل حاليا على الاتفاق مع محموعة من أطباء الأطفال للرد على تساؤلات الأمهات، كما وضعت فى خطتها القيام بعمل مسابقات والاتفاق مع أماكن شهيرة لتلبية احتياجات الأمهات والأطفال مع وجود خصومات لأعضاء الجروب.