القارئ محمد سعد غازى يكتب: أحلى من الكلام‎

بداية ونهاية وشروق وغروب

فصول بتتغير ويجى الشوق.

قبل النوم تغمض وتسرح.

تفتكر حاجات حلوة اتغيرت.

عن أيام ملهاش زي اتبعترت.

أغاني وألحان وليل وسهر.

أيام حلوة عدت فى العمر.

ذكريات فى قلوبنا هتعيش معانا.

كل ما نغمض عيونا تلاقيها جوانا.

حنين وشغف ونبض مضطرب.

تفكير وتنهيدة وسرحان.

وبتقول إمتى نرجع زى زمان.

لكل ذكرى عنوان ومكان.

ليل طويل وأحلام كتير.

بتيجى لوحدها من غير تفكير.

عن أول يوم مع حد.

وأحاسيس غريبة ملهاش حد.

الوقت الحلو بسرعة خلص.

إزاي تبعدوا كدة عن بعض.

هي أحلامكم ووعودكم مكنتش بجد.

ضعف منكم ولا طبيعة الحياة.

نفارق كتير من اللي اتمنيناه.

هو ده العادي وبنحلم على الفاضي .

أهو كله كلام وفى الختام.

جدد أملك واتعود على الأيام .

متفكرش كتير ونام.

واعرف إن الأحلام أحلى من الكلام.