خبيرة لغة جسد: "محمد ناصر عنده كاريزما بلياتشو وبتفرج عليه عشان أضحك"

قالت الدكتورة رغدة السعيد خبيرة العلاقات الإنسانية ولغة الجسد، إن محمد ناصر عنده كاريزما البلياتشو، مردفة: "بتفرج عليه عشان أضحك"، وأوضحت خلال لقائها ببرنامج "الحياة اليوم"، على فضائية "الحياة"، مع الإعلاميين لبنى عسل وحسام حداد، أن الشخص غير الواثق من نفسه يحاول إشغال مساحة 45 سم وهى "المساحة الحميمية"، كما يستخدم الأنا كثيرًا، مشيرة إلى أن الشعب المصرى شعب وجدانى وعاطفى أكثر من كونه عقلانى وده اللى هما بيلعبوا عليه على عاطفتنا.

وتابعت: "معرفتش محمد ناصر غير لما راح قناة مكملين، لأنه لقى نفسه وشهرته هناك، وبيجتهد بالتنطيط والشقلبة، ودا شغل حركات، ودا اللى واكل مع الناس اللى بيتفرجوا عليه"، مستطردة: "بيلعب على حتة النخوة والرجولة والذكورة، وبيتكلم عن شعارات وهتافات ويكررها عشان تثبت فى الوجدان، قال يعنى هو خايف على الشعب".

وذكرت أن قنوات الإخوان لديها الدقة فى الشائعة، أو الشائعة التوقعية، وكذلك شائعات الهوى، والتى تكون على هوى شخص معين، وكذلك شائعة الإسقاط، بإسقاط التهمة منهم بالإساءة إلى سمعة الحكومة أو غيرها.

وعرض برنامج "الحياة اليوم"، فيديوهت تكشف كيف سخر الإخوانى بهجت صابر من محمد ناصر وقناة مكملين، وفيديو آخر للإخوانى محمد ناصر يسب فيه أيمن نور.

‏وكان برنامج "الحياة اليوم" أجرى لقاء مع أسرة الأجير الهارب محمد ناصر وجيرانه، وقال محمد طارق على شقيق الأجير محمد ناصر، :"لما قامت 25 يناير، اتلم عليه جماعة الإخوان وشغلوه فى قناة الشعب، ولما قامت ثورة 30 يونيو كان بيجى لحد شهر 9 سنة 2013 كان كلامه جارح ومش واحد معارض، دا عاوز يفسد البلد وكلام تحريض على الدم".

وتابعت هيفاء عبد الرحيم زوجة شقيق الأجير محمد ناصر: "فوجئت إنه هو سافر بره وكانت زوجته هنا والأولاد وخدهم بعدين، كان ممكن يعرض مشكلته على أى حد لكن سفره دا مش حل، احنا عايشين فى أمان يا ناصر، وياريت تعرف قيمة الأمان اللى عايشين فيه، قبل فترة الرئيس السيسى مكناش حاسين بالأمان ده، بس الناس معندهاش صبر".