عمرو أديب: محمد على فى جروبات الإخوان عامل زى فؤاد المهندس فى "مستر إكس"

قال الإعلامى عمرو أديب عن المقاول الهارب محمد على خلال تقديمه لبرنامجه الحكاية على قناة mbc  مصر إنه محمد على المقاول الهارب متواجد فى جروبات الإخوان زى دور فؤاد المهندس لما راح العصابة وافتكروه مستر إكس.

عرض عمرو أديب تسريبات للمقاول الهارب محمد على مع هانى صبرى، تتضمن رسالة نصية وصوتية عبر تطبيق الواتساب، تهدف إلى قلب نظام الحكم بمصر.

قال عمرو أديب، إن هذه التسريبات ليست إنفراداً له، وتابع:"عمرو أديب لم ينفرد بل جاء بهذا التسريب من على فيسبوك من صفحة المقاول الهارب.. ما ورد فى هذا التسريب يجعلنا أمام كنز حقيقى من المعلومات.. وهذا يؤكد أننا نتعامل مع مجموعة من الأغبياء محتاجين يتعلموا خطوات قلب نظام الحكم فى مصر".

ولفت عمرو أديب، إلى أن عناصر  التيارات اتفقت أن تجعل المقاول الهارب أيقونة الثورة، قائلا:" يعنى ثورة 2011 كان وائل غنيم هو أيقونة الصورة شوفوا مستوانا نزل لإيه علشان يبقى محمد على هو أيقونة الثورة، هما دلوقتى قالولوا أنت ما عرفتش تشتغل 20 سبتمبر تعالى نشتغل مع بعض يناير وديسمبر، حد حس بحاجة فى ديسمبر دلوقتى إحنا فى يناير حد حس بحاجة، وهانى صبرى قاله لحد دلوقتى الشباب مش متفقين".