شاهد "الاحتيال الإعلامى" موضوع حلقة جديدة فى برنامج الكمين على قناة الحياة

تناول الإعلامى تامر الخشاب ، فى حلقته ببرنامج كمين موضوع فى غاية الأهمية متعلق تحت عنوان "الاحتيال الإعلامى" بالحرب العالمية الشرسة التى تشنها جماعات الشر على الدولة المصرية.

وقال الخشاب ، خلال حلقته ببرنامج كمين والذى يذاع على قناة الحياة: يعنى ايه تخدع إنسان ويعنى ايه تزيف إجرامه يعنى مثلا صحيت على خبر جميل لافتتاح كوبرى جديد على نهر النيل واتفرجت على فيديو جميل يعكس فرحة الإنسان وشوفت فيه مصر الجميلة وافتكرت أيام زمان وحسيت بالبهجة والتفاؤل، انت فى الحقيقة ماشوفتش الكوبرى فى الواقع بس اتنقلت ليك الصورة من خلال الحوادث واتنقلت ليك الصورة الجميلة اللى شوفتها بعينيك كونوا جواك شعور جميل وحسيت بالخير، لكن الشر كان ليه رأى تانى وعرض الإعلامى خلال البرنامج رأى قنوات الشر الممولة من قطر وتركيا.

وأضاف الخشاب ، خلال الحلقة: حضرتك ما شوفتش قزاز الكوبرى المكسور كما عرضته تلك القنوات ولكن شفت صورة مخزية وكلام خبيث على موسيقى محفزة بدلت مشاعرك، واتخدعت حواسك واتغير إدراكك على الرغم انك ما شوفتشش الكوبرى على الواقع واتغير إحساسك وخلاك تعيش الحالة حتى لو الفيديو مزيف، ودى طريقة واحدة من آلاف الطرق الشيطانية للاحتيال على المشاهد  وده اللى شوفناه وعشناه من أول هجمات 11 سبتمبر، وبداية تسويق الإرهاب الدموى وربطه بالإسلام وحتى تحويل الحلم لحقيقة وتصنيع جماعات صهيونية مستعربة مهمتها القضاء على العرب والمسلمين، ونشر الشر باسم الإسلام.

وعرض الخشاب ، خلال الحلقة عدة مقاطع فيديو لعمليات إرهابية مزيفة، وأكمل لو عاوز تسوق للفكرة الدموية دى اعمل فيديو ولو عاوز تحشد لمظاهرة وهمية اعمل فيديو، ولو عاوز تنسى الناس الواقع وتشوه أى نجاح اعمل فيديو ونشر مقطع فيديو يوضح فبركة تلك القنوات لتشويه مشروعات الإسكان.

وتابع قائلا : أنت ممكن كمان تجيب وش وتعمل فيه شوية رتوش وتخليه عرقان وعرض مقطع فيديو لأردوغان، وكيف تناول قنوات الإخوان للفيديو تحت عنوان أردوغان المبلول، وكيف تمت خديعة هذه القنوات بذلك الفيديو،  وتستطيع أيضا تغيير الملامح وده موضوع خطير جدا لأنك ممكن تتلاعب بصورة رئيس ةتخليه يعمل اللى انت عاوزه أو يقول كلام ما قالهوش او يعمل حركات ما قامش بيها، لدرجة إن القائمين على البرامج دى بدأوا يسحبوها من الأسواق لأسباب أخلاقية، لأن بعض المستخدمين ركبوا صور مشاهير على أفلام إباحية وبدأ وفى استغلال أصحابها، وعرض أمثلة لذلك، متابعا ودى أحدث تقنية لممارسة الاحتيال الإعلامى اسمها الديب فيك وعرض أغلب الوسائل التى تستخدمها جماعات الشر.

وأوضح الخشاب ، خلال الحلقة أسباب تلك الحرب وهو بداية تنمية وتطوير سيناء بالمشروعات الجديدة من أنفاق وكبارى عائمة وطرح أراضيها للمصريين علشان يعمروها لأول مرة وهذا يعنى ضياع الحلم الصهيونى وضربه فى مقتل، الحرب الإعلامية مكملة علشان دى حرب شرسة، اتفرج وشوف واسمع وخد بالك لبيكون كمين.