قيادى إخوانى فى تسريب جديد:" نبشركم بعمل كبير حيهز البلد بجد".. فيديو

عرضت الإعلامية لميس الحديدي، ببرنامج القاهرة الآن، والمذاع عبر فضائية الحدث، تسريباً لأحد قيادات الإخوان الهاربين إلى دولة تركيا، يناشد فيها أنصار الإخوان داخل مصر، على التحريض والمشاركة في التظاهرات، تزامناً مع ذكري 25 يناير.

وتبين من خلال التسريب أن القيادي الإخواني علي بطيخ يتحدث إلى قيادي داخل مصر جاء فيه: "فيه نصر كبير خلال اليومين الجايين، إن شاء الله في الفترة الجاية، هيبقي عندكم مهام كبيرة وكثيرة، عشان نحقق مكتسبات جديدة من خلال المظاهرات".

وتابع بطيخ في التسريب:"نستعيد القدرة التنظيمية للحشد والتظاهر في الفترة الجاية، أنا فاهم حضرتك يا دكتور وإن شاء الله أنا بطمن حضرتك، من ناحيتنا إحنا جاهزين وبنحشد الإخوة في كل المحافظات، عشان نحتشد إن شاء الله الجمعة الجاية للمظاهرات".

وأكمل على بطيخ: "عاوز أبلغك أن إحنا لازم نتبع نفس السياسة في الظهور في المظاهرات والاختفاء وقت الضرورة، إذا لزم الأمر فاهمني طبعا، اليومين الجايين يعني، الابتعاد قدر الإمكان عن الكنائس والأديرة وببشركم بعمل كبير حيهز البلد بجد والأخوة هنا في تركيا مصرين على المساندة والمساعدة".