وزيرة الهجرة: "الأجانب لسه فاكرين إن ستات مصر مابيمشوش فى الشارع"

قالت الدكتورة نبيلة مكرم، وزيرة الهجرة، خلال لقائها ببرنامج 90 دقيقة مع الإعلامى محمد الباز المذاع على قناة المحور: "عملنا مبادرتين تحت عنوان العودة إلى الجذور". وقالت السفيرة: "مصر كانت محتضنة لجميع الثقافات، اليونانيون والقبرصيون كانوا يهاجرون إلى مصر، واحنا عملنا مبادرة لأبناء المصريين فى الخارج، ومبادرة لأبناء اليونانيين والقبارصة ممن كانوا يعيشون فى مصر، وهذه تضيف إلى قوة مصر الناعمة، واشتغلنا على الجيل الثانى والثالث للجاليات الأجنبية التى كانت تعيش فى مصر، وفى مبادرة العودة إلى الجذور شوف اليونانيين والقبارصة كانوا إزاى بيتكلموا على حياتهم فى مصر ومدارسهم وكنائسهم وكانت حاجة جميلة جدا".

وأضافت وزيرة الهجرة: "عملنا اجتماع ثلاثى بين اليونان ومصر وقبرص واحتفلنا بالرعيل الأول اللى كان عايش فى مصر، وفى أجيال جديدة طلعت محتاجين إنه يعرف إنه جذوره مصرية أما الجذور الأخرى هى أبناء الجيل الثانى والثالث من المصريين فى الخارج".

وتابعت: "حاليا عندنا 48 شابا وشابة من أستراليا بيزوروا مصر وكنت معهم بالأمس فى أكاديمية الشرطة وقبل كدة فى أكاديمية ناصر العسكرية وبنعملهم زيارات ميدانية، هو بيتكلم بنفس ثقافة الدولة اللى هو جاى منها هما النهاردة فى الأقصر، على مركب نيلى فى ناس منهم أول مرة تنزل مصر فى شاب قالى أهلى هاجروا من زمان وماكنتش متخيل إن مصر بالجمال ده".

وحكت أغرب سؤال تعرضت له من الفوج الموجود فى مصر: "وما كانوش مصدقين الستات بيمشوا فى الشارع كانوا متخيلين إن مصر مجرد هرم وجمال فقط الصورة دى ما زالت موجودة".