حمو بيكا ينصح عمر كمال بالزواج: "أنا لقيت الطبطبة والحياة زبادى خلاط"

حرص مطرب المهرجانات حمو بيكا، على توجيه نصيحة لصديقه المطرب عمر كمال  بأن يتزوج، وذلك بعد فترة قصيرة من حفل زفافه، ونشر عمر كمال، مقطع فيديو عبر حسابه على فيس بوك، وهو يجلس مع حمو بيكا داخل السيارة وجه فيها سؤالا إلى  بيكا، قائلا: "الجواز حلو بجد"، ليرد الأخير: " والله الجواز زي العسل".

وقال بيكا له: "نفسي أنت تتجوز وتشوف بنت الحلال اللي تصونك، عشان يجيلك بقى عيل في السكة كده يكتفك، ويشيل عنك أحلى حاجة في الجواز أن انت بتروح تلاقي لقمة نضيفة، بتلاقي اللي بيطبطب عليك وانت زعلان وفرحان، والحياة زنزلوبيا، يعني زبادي خلاط".

ليقول له عمر كمال : "أنت لقيت الطبطبة"، ليرد "بيكا": "لقيت الطبطبة والحنية اللي محدش حنها عليا غير أمي"، مضيفًا: "انتظروا العريس المنتظر عمر كمال".واختتم عمر كمال الفيديو، قائلا: "بيكا أقنعني وأنا هتجوز خلاص".

واحتفل حمو بيكا بحفل زفافه الشهر الماضى، بمسقط رأسه بالإسكندرية،  وطرح عمر كمال أغنية "فلوس فلوس" بالتعاون مع حمو بيكا، الأيام الماضية، حيث قال عمر كمال عبر حسابه الرسمى على موقع التواصل الاجتماعى انستجرام "دلوقتى ممكن تسمعوا تراك (فلوس ..فلوس) على يوتيوب".