اعتذرت أكتر من مرة وتمسكوا بيا.. عالم مصرى يروى قصة تعينه بشركة لصناعة أقمار صناعة

قال الدكتور محمود الصرفى، عالم مصرى بشركة ohb الألمانية، الذى شارك فى تصميم 22 قمرا صناعيا فى الاتحاد الأوروبى، إنه بمجرد أن عرض على الشركة الألمانية العمل بها، وافقوا على الفور، وقاموا بإبرام عقد مدته عامين معه، وأول شيء فعله أنه أبلغ والدته وأخبرها بما حدث، ولكنها رفضت أن يستمر خارج مصر، وحاول الاعتذار عن العمل فى الشركة ولكنها كانت المفاجأة.

وأضاف خلال لقائه مع الإعلامي أحمد فايق ببرنامج "مصر تستطيع" المذاع على قناة dmc: "مبقتش عارف أعمل إيه، روحت للشركة وقولتلهم مش عاجبني السنتين، قالولي خلاص هنخليهم 4 سنين، فقولتلهم برضه مش عاجبتني، وعلشان أعجزهم قولتلهم أنا مش عاجبني العقد خالص وعاوز أتعين، فوجئت أنهم وافقوا فورا واتعينت في الشركة ودي كانت حاجة كبيرة، فكلمت والدتي قولتلها يا أمي ده أمر واضح أن ربنا كاتبوا ليا وخالي أقنعها فيما بعد بأن الفرصة دي كبيرة وعظيمة".

وقال: "سألت نفسي ليه الناس دي متمسكة بيا للدرجة دي، واكتشفت أن الألمان أهم حاجة عندهم هي الإرادة والعزيمة، وأنهم ممكن يتمسكوا بيك علشان الأسباب دي بس، وإحنا عندنا فمصر عقول جبارة وإمكانيات كبيرة الموضوع بس محتاج شوية اجتهاد وصبر".