عمرو أديب تعليقا على استهجان الأتراك من المقاطعة السعودية: "أنا مستغرب من استغرابكم"

علق الإعلامي عمرو أديب، الحملة الشعبية السعودية لمقاطعة البضائع التركية، حيث تصدر تركيا للملكة العربية السعودية حوالي 12 مليار دولار "سلع"، بخلاف الأعمال الأخرى، وقال: "الغريب في الأمر أنه ابتدى يبقى في اندهاش غريب عند المجتمع التركي والصحافة والإعلام التركي من المقاطعة دي، وبدأت محلات كبيرة في السعودية بمنع بيع المنتجات دي وقررت متتعاملش مع السلع التركية ومنع طرحها".

وقال "أديب" خلال برنامج "الحكاية" الذي يذاع على قناة mbc مصر: "أنا مستغرب من استغراب الأتراك على مقاطعة الشعب السعودي للمنتجات التركية، هو أنتو عاوزني كمواطن سعودي أعمل إيه أنت مستهدفني ومستهدف بلدي وأمن بلدي كل يوم، والتصدير بعد ما كان 12 مليار دولار نزل لـ 8 مليار، في حوالي 4 مليار دولار طاروا، ورويترز بتقول أن في 8 من المسؤولين الأتراك أبلغوا الإدارة التركية بحجم الكارثة لأن الحقيقة سوق السعودية لا يمكن تعويضه".

وأضاف: "الناس اللي بتقعد تقول أصل أسعار منتجات تركيا مش عارف بكام ولا الكواليتي مش عارف شكله إيه، لا يا حبيبي أنت كدة بتفيد الاقتصاد التركي اللي بيعاديك وبيعادي بلدك، وعلى فكرة بقالهم أسبوع بيعملوا حاجة غريبة جدا، وبيهاجموا شخصيات بعينها في مصر ولكن ما تيجي نقعد نتكلم، إيه اللي يجبرني أقعد أتكلم معاك وأنت بتعاديني، قدم حاجة علشان العالم العربي يفهم أنك عاوز تحسن من طريقة معانا، الغزل ده التركي لمصر جنبه مؤامرات على مصر، أحط إيدي في إيدك ليه؟".