عمرو أديب عن احتفالات المصريين بنصر أكتوبر: "الناس فرحانة ومبسوطة فى الميادين"

علق الإعلامى عمرو أديب، على ما دعت له وسائل الإعلام المعادية والموالية لجماعة الإخوان الإرهابية من تظاهرات فى مصر، وقال: "حتى الآن والساعة عدت 10 مساء، مفيش أى حاجة من اللي قالوا عليها، وكل اللي شوفناه ناس في الميادين فرحانة وسعيدة ومبسوطة، في كل محافظات الجمهورية وفي حفلات بحضور نجوم كبيرة زي الفنان محمد فؤاد".

وأضاف أديب خلال برنامج "الحكاية" المذاع على قناة mbc مصر: "الناس اللي نزلت انهاردة بتعبر عن نفسها بشكل أو بآخر".

وتابع أديب قائلا: "معمول هشتاجين أولهم كان اسمه وسط البلد، تيجي تدخل الهاشتاج ده على تويتر تلاقي وسط البلد في بلاد تانية، واللي طلع على قنوات الإخوان انهاردة هو احتقار المصريين والتريقة عليهم، والنتيجة المباشرة انهاردة ونتكلم سياسة بقى، اللي شوفناه في ميادين مصر انهاردة ابتلع كل شيء".

وواصل موجها حديثه للإخوان: " متقولولنا يا جدعان أخبار جمعة الغضب التانية إيه طمنوني، الـ 15 يوم اللي فاتوا تم ضرب كل رموز الإخوان وأعوانهم برة، اتصفوا نفسيا وشخصيا وعمرهم ما اتضربوا زي ما اتضربوا بالشكل ده، واتعرضوا لخيانات من جواهم".