ابن مجدى كامل ومها أحمد: بقيت تمام ورجعت أحسن من الأول

أكد عادل مجدى كامل، ابن الفنان مجدى كامل والفنانة مها أحمد، أنه عاد لحياته الطبيعية مرة أخرى، بعد فترة من التعب وصفها بأنها الأصعب فى حياته، مشيرا إلى أن هذه الفترة تعلم منها دروسا كثيرة ولن يستطيع نسيانها بسهولة، مؤكدا: "بقيت تمام ورجعت أحسن من الأول وطلعت من اللى كنت فيه".

عادل مجدى كامل

وكتب عادل عبر حسابه على إنستجرام: "جمعة مباركة اللهم صل على سيدنا محمد وعلى آل سيدنا محمد، الحمد الله دائماً وابداً على كل شيء، بعد تعب فترة كبيرة وبعد أوحش احساس حسيته فى حياتى، وبعد أصعب فترة عدت عليا فى حياتى وعمرى مقدر أنساها علشان الفترة دى خلتنى اتعلم حاجات كتيره جداً وخلتنى أعرف مين اللى يستاهل اديلوا عينى ومين اللى مكنش ينفع يبقى موجود فى حياتى أصلاً، الحمد الله إن ده حصل علشان ربنا يخلينى اكتشف حاجات كتير كنت معمى عنها".

 

 

وأوضح عادل: "أنا الحمد الله بقيت تمام ورجعت أحسن من الأول وطلعت من اللى أنا كنت فيه، ومن النهارده إن شاء الله هنزل التمرين وهرجع أتمرن تانى وأعيش حياتى زى الأول، الحمد الله على الدرس اللى انا اتعلمته فى الفترة دى وإن شاء الله اللى جاى يكون أحسن، ويكون كله ايجابيات ويكون كله نجاح وفرح وسعادة، أحب اشكر كل الناس تانى انتوا على راسى من فوق والله أنا دلوقتى عرفت وبقيت متأكد ان ساعات الغريب عنك بيكون أحسن مليون مرة من أقرب الناس ليك علشان اكتشفت ان الغريب بيفضل زعلان عليك لكن القريب بيزعل عليك شويه و بينسى، المهم مش عايز أطول عليكوا أنا الحمد الله بقيت زى الفل ومن النهارده حياة مختلفة تماماً عن اللى فاتت وحياة أحسن بإذن الله".

 

 

وكان عادل نجل الفنان مجدى كامل والفنانة مها أحمد، فاجأ متابعيه على موقع انستجرام، حينما أعلن أنه يعيش مؤخراً أوحش أيام حياته على حد وصفه، مستعرضاً أسباب هذا الشعور حينما أكد أنه مريض دون التوصل لعلاج أو معرفة سبب مرضه فى الأيام الأخيرة، بالإضافة لشعوره بالحزن بعد أمور كثيرة تعرض لها مؤخراً.