عمرو أديب معلقا على هدف حسين الشحات بالوداد: مش ممكن برود أعصابه.. جول عالمى

علق الإعلامي عمرو أديب، على تقدم الأهلى على الوداد المغربى فى المباراة المقامة بينهما بالدور نصف النهائى من بطولة دورى أبطال إفريقيا، قائلا: "الجون اللى جابوا حسين الشحات ده، الراجل عنده برود أصحاب مش طبيعى، ويجب أن يسعد اللاعب لأن الحاجات دى بتبقى نفحات، وأن يسعد الأهلى نفسه، لأن مستحيل الوداد يجيب 4 أهداف فى النادى الأهلى فى الشوط الثانى".

وقال عمرو أديب خلال برنامج "الحكاية" الذي يذاع على قناة mbc مصر: "أنا بقول مبروك للنادى الأهلى التأهل لنهائى دوري أبطال إفريقيا، وبقول للناس دور على جون حسين الشحات واتفرج عليه، ويارب الزمالك يحصل معاه زى الأهلى ويكسب الوداد فى مصر، بس يارب لو قابلنا الأهلى حسين الشحات ميلعبش قصاد الزمالك".

وأضاف: "الأهلى عنده قدرات كبيرة فى الهجمات المرتدة، ولسة فى دكة البدلاء معاهم الحاوى وليد سليمان، والأهلى ممكن يجيب جون و2 وتلاتة، وواضح أن المدرب اللى هما جايبينه ده كويس وعنده شخصية، ومش هامه أى حاجة وبيقول للاعيبة تهاجم، وحاجة هايلة بصراحة".