عمرو أديب: ترامب كان أقوى من بايدن فى آخر مناظرة.. لكنه محتاج معجزة عشان ينجح

علق الإعلامى عمرو أديب، على المناظرة بين التى حدثت بين المرشحين الأمريكيين فى الانتخابات الرئاسية المقبلة جو بايدن ودونالد ترامب، قائلا: "عملوا حاجة حلوة أوى، حاجة اسمها زرار الصمت، وده معناه أن كل مرشح له دقيقتين بس، وبعد كدة بيتقطع الصوت على المرشح والتانى دوره بيتكلم".

وقال عمرو أديب خلال برنامج "الحكاية" المذاع على قناة mbc مصر: "كل استطلاعات الرأى قالت إن ترامب كان أفضل، وأنت لو سألتنى أنا كعمرو وشوفت المناظرة، هقولك إن جو بايدن عايش فى الإنشا، إنما ترامب عملى جدا وعنده حاجات عملها، لأن ترامب قال لبايدن إنه قعد فى السلطة 8 سنوات ماحلتش المشكلات اللى بتتكلم عنها ليه".

وأضاف: "ترامب زنق بايدن بموضوع ابنه هانتر، بخصوص الشبوهات المالية اللى بينه وبين دول أجنبية أخرى ومتورط فى حاجات ممكن تأثر على مشوار أبوه فى الانتخابات، وكل الناس بتقول إن ترامب لو عاوز يقهر كل التوقعات يحتاج معجزة لأن المسألة ليست سهلة، وفى التصويت المبكر فى أكثر من ثلث المواطنين صوتوا خلاص في هذه الانتخابات".

وقال: "سواء ده كسب أو التانى كسب، فى الحالتين لما تكون أنت قوى وشعبك بيساندك مش هيفرق معاك النتيجة فى الانتخابات الأمريكية، وبايدن دايما بيستعمل ورقة الكورونا، ولو ترامب خسر الانتخابات دى، هو هيخسر بسبب الكورونا، وبسبب ارتفاع الإصابات الضخم فى الولايات المتحدة الأمريكية".