أحمد السقا عن حضور حفل تامر حسنى بالجونة:"أخويا وأنا مش محتاج عزومة"..فيديو

قال النجم أحمد السقا، إنه لم يتلق دعوة من النجم تامر حسني لحضور حفل إطلاق ألبومه الجديد المقرر إقامته في الجونة، ضمن فعاليات مهرجان الجونة السينمائى، وردًا على سؤاله، أضاف السقا، "لسه معزمنيش بس تامر أخويا وأنا مش محتاج عزومة"، لتتدخل زوجته الإعلامية مها الصغير، قائلة :"هو هيروح وهو أخوه ومفيش حاجة بينهم"، وذلك في تصريحات تليفزيونية علي هامش مهرجان الجونة السينمائى.

هل يحضر أحمد السقا حفلة تامر حسني بالجونة؟#MBCTrending#GFF20 pic.twitter.com/1UOCwQvzqU

— MBC Trending (@MBCTrending) October 25, 2020

وكان قد حرص النجم تامر حسنى، على توجيه رسالة للنجم أحمد السقا بعد الاعتذار له ، وكتب تامر عبر خاصية ستورى على حسابه على إنستجرام، قائلا:" حبيبى يا صاحبى حصل خير أنا عمرى ما أزعل منك ولا أشك لحظه في جدعنتك مع الناس كلها جايز كان في النص بينا ولاد حلال كتير أنت السقا حبيب قلبى وكدا الجمهور هيستنانا في الحفلة اللى جايه بجد سخن صوتك واستعد للدويتو القادم يا أغلى و أنضف الناس".

ووجه السقا، رسالة اعتذار للنجم تامر حسنى بعد بتصريحاته فى برنامج "السيرة" مع الإعلامية وفاء الكيلاني، حين عاتب تامر حسنى بسبب مشاركته معه في فيلم الفلوس كضيف شرف ليفاجأ بتصدر صورته واسمه على بوستر العمل كبطل للفيلم مما أضره، وكتب السقا عبر حسابه على فيس بوك، قائلا:" رسالة إلى صديق عزيز صديقى وأخى العزيز تامر حسنى أنت عارف اللى بينى وبينك عيش وملح وحاجات كتير....قد أكون أخطأت انى اتكلمت فى الموضوع ع الهوا ولكن يعلم الله كم كنت مجروحا وكم كنت حزينا.. مش هاطول عليك اكتر من كده ولو أنا زعلت شويه وانت شويه نبقى خالصين يا عم... تامر حسنى احنا اللى بينا كتير ماتزعلش يا عم وحقك عليه...وميعادنا الحفله اللى جايه".