أحمد مالك يكشف لتليفزيون اليوم السابع خوفه من الثعابين في كواليس فيلمه حارس الذهب

استمرار لتغطية تليفزيون اليوم السابع، لكافة فعاليات مهرجان الجونة السينمائى فى الفترة من 23 لـ 31 أكتوبر الجارى، التقت كاميرا تليفزيون اليوم السابع، مع الزميلة شروق وجدى بالفنان أحمد مالك على هامش ندوة فيلمه "حارس الذهب " المشارك في المهرجان.

وعن خوفة من الفشل قال مالك: "أنا طول الوقت خايف من الفشل واعتقد في أنواع للخوف من الفشل .. في نوع صحى لأن الثقة العمياء مش صحية وأعتقد لازم كل شخص إلى حد ما يكون عنده خوف إلى حد ما من الفشل يقدر يكون دفعه بالنسباله لقدام وميكونش خوف يرجعه للخلف".

وعن الفرق بين السينما المصرية والسينما العالمية ، قال مالك : "لو هنتكلم كمواهب أعتقد هنا في ناس أشطر بكتير ، أعتقد اللى بيفرق هو السيستم والهيكلة والتنظيم اللى هما ماشيين عليها .. لكن احنا عندنا مواهب قوية جدا".

وعن أكثر الأشياء المخيفة في كواليس الفيلم وكان يريد الهرب منها، قال مالك :" الثعابين .. كان في ثعابين كتير جدا في أستراليا، كنت قاعد في كابينه في لافته مكتوب عليها احذروا من الثعابين فا شكرا  جدا".

وعن أعماله القادمة أكد مالك لتليفزيون اليوم السابع مشاركته في 4 أعمال تضم " كيرا والجن" مع المخرج مروان حامد والنجمين أحمد عز وكريم عبد العزيز، و مسلسل " تحقيق " وهو أول أعمال watchit .