حسن أبو الروس بيغنى "إيه الاساتوك ده" على الريد كاربت فى مهرجان الجونة

أجرى "تليفزيون اليوم السابع"، لقاء مع الفنان حسن أبو الروس على هامش فعاليات اليوم السادس لمهرجان الجونة 2020، وأجرت اللقاء الذى غلب عليه طابع الفكاهة الزميلة شروق وجدى بعدسة محمد شيتوس

بدأ الفنان أبو الروس اللقاء مازحا المذيعة بأغنية وبادتله "ايه الأساتوك ده" الذى غناها وهو يطبل ويرقص على الريد كاربت فقال حسن أبو الروس مازحا "هو فين الأساتوك ده مفيش لسه أساتوك على الريد كاربت بس أكيد فيه طبعا".

وكان أول الأسئلة التى وجهتها للفنان حسن أبو الروس "ورد ولا دايموند لبنت؟" ليرد: "والله على حسب البنت بس أنا ورد طبعا" وردا على سؤال المذيعة مازحة الفنان حسن أبو الروس هل عشان رخيص؟ رد "لا مش عشان رخيص عشان له قيمة وبعدين ده اختبار لما اجيب ورد كده كده الديموند هيتجاب".

ظهر الفنان حسن أبو الروس على السجادة الحمراء، خلال حضوره فعاليات اليوم السادس من مهرجان الجونة السينمائي فى دورته الرابعة، بلوك كاجوال حيث كان يرتدى حسن أبو الروس بليزر كاروهات ملون، وتيشرت باللون الأبيض، وبنطلون باللون الرمادى، قائلا "والله النهاردة مكنتش جاي  الكاربت  عادي انا كده جاى كاجوال أصحابي قالولى تعالى خش معنا قلت أخش يعنى".

وعن اللوك الكاجوال الذي ظهر به حسن أبو الروس قال " مش لازم كل يوم الواحد يلبس بدل وجامد عادي ممكن كاجوال"

وردا على سؤال: "لو لازم تختار إجبارى حد من على الريد كاربت تخطبه؟" رد الفنان حسن أبو الروس مازحا وهو يبحث عن حد حوله "هو فين يا بنتي هو فيه حد"؟ وسألته من المهرجان ليرد "خطيبتي" ليكمل وهو يغني مقطع من اغنية مسلسل "مية وش" مليونير الذى قام فيه بدور أحد أعضاء العصابة.

وختم الفنان حسن أبو الروس حواره مع تليفزيون اليوم السابع قائلا "اليوم السابع أحلى يوم فى حياتى".