ابنة رانيا يوسف: "مش متضايقة من فساتين ماما.. ومبسوطة من القلبان اللى حصل"

علقت نانسى ابنة الفنانة رانيا يوسف، على ارتدائها فستان والدتها المثير للجدل: "مش متضايقة من فساتين ماما علشان لابسة واحد منهم، وأنا لبست اللى عمل قلبان"، مستطردة: "ماما شكلها قمر وفيه ناس ضايقتنى بسبب الفستان".

وكشفت نانسى فى لقائها مع الإعلامية لميس الحديدى، خلال تقديمها تغطية خاصة لبرنامج "كلمة أخيرة" لختام مهرجان الجونة السينمائى: أول انطباع عندما ارتدت والدتها الفستان المثير للجدل في البداية قائلة: "قلتلها بلاش الفستان ده في المهرجان لأن ماحدش هيفهمه، ولكن راحت المهرجان بيه وعملت قلبان، وأنا مبسوطة بالقلبان اللى حصل".

وعلقت الفنانة رانيا يوسف، على ارتداء ابنتها نانسى فستانها المثير للجدل فى الفترة السابقة بسبب "البطانة"، قائلة: "الفساتين عملت مشاكل حلوة ودمها خفيف ومشاكل شقية.. وده كويس هو كله غم غم مافيش فرفشة". وتابعت "عيالى بيشجعونى على الشقاوة".