بيومي فؤاد لتليفزيون اليوم السابع: "مبحبش المهرجانات.. مش واكلة معايا"

استضاف تليفزيون اليوم السابع، الفنان القدير بيومي فؤاد، في لقاء أجرته الزميلة رغدة بكر للحديث عن تكريمه في مهرجان شرم الشيخ الدولى للمسرح الشبابى، ومشواره الفني وأبرز الصعوبات والمواقف والكواليس في حياته.

وعن المغنى الذى لا يسمعه بيومى فؤاد، قال: "بحب أسمع كل الناس.. بس رغم إنى بحب الموسيقى الصاخبة والآلات النحاسية.. بس أنا مش ميال للمهرجانات أوى.. بلغة الشباب مش واكلة معايا خالص"

وأضاف: "أنا بعشق حسن الأسمر بعشق عدوية بعشق محمود الليثى بعضق أوكا وأورتيجا.. مسمعتش حمو بيكا في حاجة على بعضها علشان مبقاش ظالمه.. سمعت أغنية حسن شاكوش وعمر كمال اللى مكسره الدنيا وعجبتنى ولحنها هايل وصوتهم هايل.. هما ساعات بيتظلموا لأنهم بيحطوا نفسهم في سكة المهرجانات.. هما صوتهم حلو وعندهم مزيكا.. وبعدين ساعات بكتشف إن رغم أنه في منهم ناس مكملتش تعليمها للآخر فبيبقى شعبى كده زى شعبان عبد الرحيم.. لكن تكتشفى انهم مش عشوائيين.. مش طالعين كده وبتاع.. كل واحد عنده حتة.. ومزيكا وعرب".