أحمد بلال لتليفزيون اليوم السابع: أتمنى خسارة الزمالك حتى لو مش قدام الأهلى

قال أحمد بلال نجم النادى الأهلى والكرة المصرية السابق، خلال حواره مع تليفزيون اليوم السابع، والذى أجراه تامر إسماعيل، أنه سيتابع مباراة الأهلى والزمالك بمفرده وليس مع أحد، مضيفا: "بحب اشوف الماتشات دى بالذات لوحدى، كنت بشوف قبل كده مع الزملكاوية، لكن المرة ديه قررت اشوفها لوحدى، لأنى بقعد على أعصابى عشان كده هتفرج لوحدى".

وعن صوت المعلق الذى يحب أن يسمع منه المباراة، قال: " أحب اسمعها بصوت ميمي الشربيني، باستمتع بكابتن ميمي الشربينى لأنه صوت نقى فاهم كرة معندوش عصبية ينقل الصورة بشكل مبسط وتحب تسمعه".

وقال حول إذا كان أمامه خيارين أحمد شوبير أو مدحت شلبى،: " هختار شوبير بما أنه كان أهلاوى وكابتن الأهلى وهيبقى عنده انتماءات أهلاوية، بالتالى هتفرج على شوبير".

وردا لع سؤال حال خسارة الأهلى، قال: " لو الأهلى خسر، هقفل التليفزيون مش هسمع التحليل ومش هتابع، صحيح الكرة فيها مكسب وخسارة، لكن صعوبة المباراة أنها نهائى أفريقي ودى مباراة لن تنسى من الذاكرة".

وتابع: "لو الأهلى خسر هنخسر حاجات كتير، لآن المجلس ده لم يحقق آى بطولة أفريقية، فالبطولة دى، هتفرق كتير مع المجلس فى مشوارهم".

وحول إذا ما كان سيبارك للزمالك، قال:"هبارك للزمالك أكيد، فيه فرق أنه أباركله، وفرق أنى هشجعه، تشجيع أنا مش هشجع الزمالك لكن أباركله ده طبيعي ، لكن انا مش هشجع الزمالك وده وضع طبيعي كأهلاوى، أنا بشجع الأهلى، وعايز الزمالك يخسر، ولو فيه بطولة للزمالك اتمنى يخسر حتى لو مش بيلعب قدام الأهلى، لكن لا نتمنى أى سوء على الاطلاق للزمالك نتمنى مباراة جيدة تليق بيهم هما فى الاخر بيلعبوا فى منتخب مصر وبنشجعهم".