عمر كمال لـ هاني مهنا: ليه مطلبتش الأمن يطردنا إذا كنت رافض حضورنا

أكد الفنان عمر كمال ردًا على تصريحات الموسيقار هانى مهنا، حول عدم دعوتهم لحضور حفل زفاف ابنته هنادي مهنا وأحمد خالد صالح، أنه تلقى مكالمة هاتفية من الفنانة هنادي مهنا لدعوتهم لحضور حفل زفافها، وتابع قائلاً: "أنا مش ماشيين في مصر الجديدة ليقنا فرح في فندق روحنا دخلنا، ده مش منطقى، ولو إحنا عايزين نروح أي مكان فيه فنانين كنا روحنا مهرجان الجونة، عيب يتقال علينا كدا ومش محتاجين لده إحنا روحنا الساعة 2 بالليل عشان مش فاضيين أصلا وعندنا شغل.

وتابع عمر كمال في تصريحات لتليفزيون اليوم السابع، لم نتقاض أجرا للغناء في حفل الزفاف، ولم ألتق بالموسيقار هاني مهنا، ولم نهتم نشوف حد، إحنا دخلنا على الترابيزة وقدمنا فقرتنا وغادرنا.

وأضاف كمال، لو الموسيقار هانى مهنا شافنا على المسرح وإحنا بنرقص وطالما عارف إننا مش متوجها لنا دعوة ليه مطلبش من أمن الفندق يطردونا.