ريهام عبد الغفور عن دورها فى "ربع قيراط": الشخصية استدعت عدم وضع مكياج

قالت الفنانة ريهام عبد الغفور، شخصية "منى" التي قدمتها في حكاية "ربع قيراط" ضمن حكايات "إلا أنا"، استدعت أن أكون بدون مكياج بالإضافة إلى وضع مكياج يرهق الوجه أكثر وهذا لا يضايقنى لأنى أحب الناس تصدق الشخصية أكتر.

وأضافت خلال استضافتها في "تليفزيون اليوم السابع"، أنا كنت مؤمنة بشخصية "منى" جدا وشغالة عليها ولكننى لم أتوقع النجاح الكبير وردود الأفعال على مواقع التواصل الاجتماعى وده كان كرم كبير من عند ربنا،

وتابعت، ممكن يكون نجاح المسلسل لأنها قصة لمست كل ست لأن في قوانين كتير مش بتساعد الست وللأسف في رجالة كتير مش بتراعى ربنا وقت الطلاق خاصة لما يكون في ستات ضحيت بشغلها وكل حاجة عشان خاطر جوزها وفى الاخر بيخذلها فعلى الأقل يكون في قوانين تحمى الست، ومن هنا بنادى محكمة الأسرة بأنها لازم تجبر الراجل إعطاء الحقوق للست خاصة لو مش بتشتغل.