20 سنة محبوسين في بيتهم.. حكاية التوأم الطيب والأم الباكية في "فتحي شو"

20 سنة شقاء وتعب وضهر محنى، 20 سنة محبوسين بين 4 حيطان داخل بيتهم مشفوش النور، 20 سنة خايفين يخرجوا قدام عيون الناس، 20 سنة شيلاهم أمهم على ضهرها، الأخين الطيبين محمد وأحمد، الملائكة في الأرض مصابين بضمور في الأعصاب في الأطراف الأربعة، لا يستطيعون التحرك حركتهم الوحيدة هي الزحف، قصة معاناة وألم ستشاهدونها في برنامج "فتحى شو" تقديم محمد فتحى عبد الغفار .

الأم عزة أيقونة من لحم ودم للعزة والكرامة والتضحية، تسرد لـ"فتحى شو" قصة معاناتها قائلة وهى تبكى، "ولادى اتولدوا بعد 6 شهور من الحمل وأسبوع جريت بيهم في كل المستشفيات شوفت في العشرين سنة دول عذاب وتعب، بس في سبيلهم انا متحملة كل حاجة، فوجئت مرة واحدة مفيش حركة مبيقعدوش زى الأطفال أجى أأكلهم مبيكلوش وبيرجعوا الأكل".

وتابعت الأم المكلومة باكية، "روحت عملتهم إشاعات ورسم على مخ عرفت انهم عندهم ضمور في المخ ماسك في الجهاز الحركى لايديهم ورجلهم هما توأم وهما دلوقتى معوقين ايدين ورجلين، هما جمال أوى وحياتهم جميلة وكفاية انهم حافظين القران الكريم وحمدين ربنا على كل حال وعرفين ربنا سبحانه وتعالى".

تفاصيل حياة الأم الباكية والتوأم الطيب في الفيديو التالي..