حلقان وأساور وحاجات تانية.. إسراء مصممة إكسسوارات لجأت للشارع لعرض التصميمات

عشقت الفن منذ نعومة أظافرها، فأتقنته بالدراسة والتدريب، كما تمتلك ذوقا رفيعا في اختيار الإكسسوارات المختلفة سواء أقراط أو سلسلة أو أسورة، مما دفعها إلى العمل على تصميم إكسسوارات مختلفة بيدها من الألف إلى الياء، ولكنها واجهت مشكلة في طرح منتجاتها على الزبائن من خلال طرحها ببعض الجاليرى، لذلك فكرت في أن تصل بنفسها للناس من خلال حمل منتجاتها واللف بالمحلات والشوارع المختلفة لتطرح تصميماتها على الزبائن.

إسراء سلطان

وتحدثت إسراء سلطان، البالغة من العمر 24 عاماً، وخريجة كلية تربية فنية، بالتحدث عن تجربتها في العمل بالشارع، قائلة: " أنا أدربت فى الكلية على شغل الهاند ميد، وكنا بنوزعه على الجاليرى، وبعد التخرج فكرت في خوض التجربة وتصميم إكسسوارات وطرحها على المحلات، لكن كنت بلاقى رفض، من غير سبب، وده أحبطنى، لكن قررت إنى أثبت نفسى وأطور من شغلى، فبدأت أدور في محلات الإكسسوارات، عشان أعرف الناس بتحب إيه، وأصمم إكسسوار  مميز مش موجود في المحلات ".

أقراط أخرى تصميم إسراء

أقراط أخرى

وعن المضايقات التي تتعرض لها إسراء بالشارع أثناء بيعها للإكسسوارات، قالت :" أبتديت أنزل الشارع وكانت خطوة مجنونة منى،  والناس كانت بتستغرب إزاى بنت بتبيع في الشارع إكسسوارات، وأتعرضت لبعض المضايقات من المارة ومن أصحاب المحلات، لكن كان في ناس بتشجعنى على الاستمرار، وبتطلب منى شغل مخصوص، وده اللى شجعنى أكتر على الاستمرار وتصميم شغل أكتر ".

أقراط

إكسسوار أخر

 تعمل إسراء على طرح منتجاتها بالشارع منذ ثلاث سنوات، لكنها تحلم أن تؤسس لنفسها علامة تجارية عالمية، حيث قالت :"  أنا بشتغل من أيام الكلية وبقالى 3 سنين بشتغل في الشارع، وكنت الأول بخاف إن حد من صحابى إنهم يشوفونى، لكن دلوقتى بقيت شايفة إنى دى أول خطوة للوصول للناس، وطرح منتجاتى، بحلم إنى أقدر أفتح محل صغير وأعرض منتجاتى، ويكون ليا ماركة خاصة بيا بأسمى ".

صورة أخرى لإسراء

إكسسوار

تصميم إسراء