تفاصيل خناقة بين المطرب حمو بيكو وعمر كمال، قال مطرب المهرجانات حمو بيكا، إن القصة كلها على 10 آلاف جنيه، والخناقة مش عليهم والمشكلة خاصة باتفاق على أغنية ولم يلتزم بيها.. ولما نشر بوست على صفحته عمر كمال بيقو عليها بكرش.. ويرد بيكا اللى معندهوش كرش ميسواش قرش.. لو معايا 2 مليون جنيه مكنتش هغنى تانى.. وراكب عربية ثمنها2 مليون جنيه بدفع كل شهر 70 ألف جنيه قسطها.. ودلوقتى الدنيا واقفة خالص وبقالى شهر مش بنزل أفراح ".
وأضاف خلال مداخلة هاتفية مع الإعلامى وائل الإبراشى والإعلامية القديرة نجوى إبراهيم، عبر برنامجها التاسعة المذاع على قناة مصر الأولى:" أنا سبب شهرة عمر كمال.. وقناة عمر على اليوتيوب كانت مش شغالة وكان نفسه يعمل أغنية تصل للطبقة اللى توصل للشارع زى أنا.. وسجلت أغانى له من إنتاجى وإحنا عارفين أن هو نجم وكان عامل أغنية الغربة وصوته حلو.. وبقول له أنا كنت سبب لشهرتك".
وتابع :" هو بيتهرب من فلوس اليوتيوب ليه عمر؟.. وأغنية "انتى معلمة" جايبة 150 ألف جنيه وبتصفى على 80 ألف جنيه بعد الضرائب.. أنا محتكمشى غير على عربيتى وشركتى كل فلوسى حطيتها فى الشركة معمولة من قشرة الدهب.. والخير كل ده من دعاء أمى.. ومسامحة على اللى أخدة وراضى بيه.. الموضوع على اتفاق على أغنية مش فلوس.. سبوبة وكلنا بناكل عيش.. أنا الأغانى الحالية مفهاشى لفظ خارج.. وبتعلم السلم الموسيقى عشان أدخل النقابة.. وعاوز الناس تسيبنى أكل عيش والناس اللى ورايا ياكلو عيش ".
وأكمل المطرب عمر كمال : "أنا منظم جدا فى الشغل وتم الاتفاق على الأغانى.. وسجلت أغنية ونزلتها على القناة عندى.. وأخد أغنية سجلها وقبض فلوسها والمفروض لما يشوفنى بيكا يدينى فلوس الأغنية.. حمو بيكا سبب نجاحى فى المهرجانات.. ولكن مش يقولى أنا اللى شهرتك.. الأغنية ممكن تجيب 5 مليون جنيه.. وممكن تجيب 40 مليون وممكن متجبشى خالص فلوس.. ويطالب حموا بيكا مينفعشى تطلع تعمل لايف.. أغنية بنت الجيران مش على قناة اليوتيوب بتعتى".
وأضاف خلال المواجهة بمداخلة على البرنامج، : " الحمد لله نجحت فى النقابة وأخد رقم العضوية.. وأمى عملت لقاء ولبستنى فى الحيطة.. وعملت لقاء كامل.. أمى تقول اللى هى عاوزاة".
