سألنا الموظفين ليه "واتس آب" المدير من غير seen؟.. أعرف قالوا إيه

تظل علاقة الموظف بمديره في العمل، علاقة روتينية يحرص فيها الموظف على سماع الأوامر وتنفيذها، وفي المقابل يعمل المدير بسيطرته ومراقبته للمرؤسين على رفعة المؤسسة المنتمين إليها، لكن لوحظ من عدد كبير من المديرين تفعيلهم عدم رؤية الرسائل عالسوشيال ميديا خاصة تطبيق الواتساب، ومن ثم طرح "اليوم السابع"، سؤالاً على مجموعة من الشباب عن الأسباب التي تجعل مديرهم دائماً يظهر غير متصلا على "الواتس أب"، رغم أنه يشاهد جميع الرسائل؟

المدير

 وقار:

قال أسامة، البالغ من العمر، 30 عاما، ويعمل موظفا في إحدى الشركات الكبيرة، أنه على مدار عمله منذ أن تخرج من الجامعة ولم يشاهد مديراً، "أكتيف" على "الواتس أب"، بالرغم من انهم يقومون بالرد على جميع الرسائل، قائلا: "غالبية المديرين بيحبوا يبقى ليهم وقار في التعامل، وأن محدش من الموظفين يقدر يرد، اذا اتسأل مديرك قفل "الواتس اب" أمتي ومش بيرد ليه؟" وتابع: "غالبا بتكون الإجابات إنه فاتح وهيرد على طول، وده بيدي إحساس للجميع أنه دائما على تواصل معهم من غير ما نحس أنه مزوغ ولا مش معانا".

وقار

غموض:

أما سحر، ع، البالغة من العمر،  35 عاما، صاحبة مكتب توريد قالت: "انا مديرة في مكاني وفعلا بخلي الواتساب غير مفعل لخاصية الـ" seen "، عشان مينفعش الموظفين عندي يعرفوا انا بفتح وبقفل أمتى، ويبقوا دائما متوقعين أني أظهر في وشهم في أي وقت".

وتابعت: "بيعتبر غموض هادف الغرض منه أنهم يحترموني ويخافوا مني إني اقفش خطأ عملوه، مع إني قريب من سنهم بس برضه إحترام المدير، واجب عشان عجلة العمل تمشي صح".

الغموض

بيرد بمزاجه:

وقال فؤاد م، والذى يعمل محاسب بأحد الشركات، كان له رأي مختلف بعض الشيء، حيث قال:" أنه مدير على جزء معين تابع للمؤسسة التي يعمل بها وفي نفس الوقت له مدير أخر يشرف على عمله هو نفسه، وأضاف قائلا: "كل اللي الموظفين بيخافوا او مش بيحبوا مديرهم، مايعرفوش أنه بينفذ تعليمات وأوامر وأن المدير له مدير برضه" وتابع: "مفيش حد بيحب أن الناس تخاف منه، بس أنك تعمل لمديرك حساب وتلتزم قدامه ده بيخلي الشغل يمشي، لو مفيش ثواب وعقاب مكانش هيبقى فيه دنيا من الأساس"

وعن خاصية الـ" seen "، وعن اذا كان مفعلها على "الواتس أب"، رد ضاحكاً: "فعلا ً معنديش سيين في رسايل "الواتس اب" عشان أعرف اقفشهم على جروب الشغل، وعشان لو ماليش مزاج أرد على طلب إجازة أو مكافأة"

المدير الناجح

واختتم قائلا: "المدير الناجح يدي كل واحد حقه، ويحببهم في الشغل قبل ما يخوفهم منه، ساعتها هو هينام وهيبقى متطمن إنه سايب وراه أسود مسيطرين على العمل كله".