الغندور لـ"مصطفى محمد": ركز وقدر قيمة الزمالك اللى وصلك للمرحلة دى

أكد الإعلامي خالد الغندور، أن مسئولو نادى الزمالك لن يفرطوا في خدمات مصطفى محمد مهاجم الفريق الكروي الأول، إلا في حال التعاقد مع مهاجم سوبر يعوض رحيل اللاعب.

ولفت الغندور، إلى إنه لا يوجد مهاجم مصري على الساحة يمتلك إمكانيات مصطفى محمد، لذلك سيكون التعاقد مع لاعب أجنبى.

وأضاف الغندور خلال تقديم برنامجه "زملكاوى" عبر شاشة الزمالك، إن هناك عدة أسماء للاعبين أجانب يستطيعون تعويض رحيل مصطفى محمد مثل والتر بواليا لاعب الجونة، ولابا كوجا لاعب العين الإماراتى، لافتًا إلى إن إدارة الزمالك متمسكة باستمرار مصطفى محمد لبعد الدورة الأولمبية.

ووجه الغندور حديثه لمصطفى محمد، "اللاعب لازم يركز أكثر، وهو حلمه يحترف ومافيش مشكلة، لكن كان في فترة قبل غلق باب الانتقالات ماكنش مركز، وبدأ لما يجيلوا عروض بيركز فيها وينسى الملعب ويبعد عن مستواه، لكن عليك التركيز واللعب وتسجيل الأهداف وسيب كل حاجة على ربنا بعد كده، وهيجيلك العرض الصح في الوقت الصح اللي من خلاله هتحترف، وإن شاء الله الزمالك مش هيقف في طريقك، وفى نفس الوقت لازم تقدر قيمة الزمالك اللي وصلك للمرحلة اللى أنت فيها، وتختار التوقيت الصح للرحيل".

وتحدث خالد الغندور عن اللجنة الثلاثية الجديدة المكلفة بإدارة اتحاد الكرة، برئاسة أحمد مجاهد، قائلاً: "اللجنة الثلاثية كلهم أهلاوية، وعارفين إن أحمد مجاهد أهلاوى من الصغر، وباقى أفراد اللجنة، لكن مش هنهاجم حد مثلما كان يحدث مع عمرو الجناينى بصفته مشجع زملكاوى، وسنكون داعمين للجنة، خاصة وإنه لا يحق لهم الترشح فى انتخابات الجبلاية المقبلة".