اليوم السابع يواصل نشر تحقيقات قضية طفل المرور.. صديق "حريقة": "هو اللى شتم الأمين بس الكاميرا مجبتهوش".. و"قال كده علشان معتمد على سلطة أبوه".. ويؤكد: "أنا هزأت أحمد وقلتله لازم تعتذر للمجنى عليه"

طفل المرور - أرشيفية
طفل المرور - أرشيفية
كتب سليم على

يواصل "اليوم السابع" نشر نص تحقيقات جهات التحقيق مع المتهم "يوسف م" أحد أصدقاء الطفل "أحمد أ"، فى القضية المعروفة إعلاميًا بـ"طفل المرور"، والتى وجهت فيها اتهامات للطفل بالاعتداء والتنمر على فرد شرطة، وظهوره فى مقطع فيديو على مواقع التواصل الاجتماعى، خلال سبه الآخرين بألفاظ نابية هو و4 آخرين من أصدقائه.

 

وجاءت نص التحقيقات وأقوال صديق طفل المرور ومصور الواقعة كالتالى:

 

س/ أسمك وسنك؟

ج/ اسمى يوسف م، والسن 18 سنة.

 

ملحوظة: قمنا بتشغيل 5 مقاطع مرئية في مواجهة المتهم الخاصة بالواقعة محل التحقيقات.

 

س/ ما صلتلك بالمقاطع المرئية الثلاثة الأولى المعروضة عليك؟

ج/ الفيديوهات الثلاثة دول خاصين بواقعة المشكلة مع أمين الشرطة والفيديو الأول وقت لما كنا كلنا راكبين العربية المرسيدس والأمين وقف أحمد وطلب الرخصة منه وأحمد شتم الأمين في الفيديو ده والفيديو الثانى كان بعد ما أحمد شتم الأمين وجرى وبعدها وقفنا بعيد ونزلنا كلنا روحنا للامين ونتكلم معاه والفيديو الثالث برضه وقت ما كنا واقفين مع الأمين برضه.

 

س/ وضح لنا من هم الأشخاص الظاهرين بالمقاطع المرئية الثلاثة والمشار اليها سلفا؟

ج/ الفيديو الأول أول اتنين ظهروا فيه هما أحمد وأمين الشرطة ودى ساعة المشكلة الرئيسى وأحمد ساعتها كان قاعد في العربية كلنا كنا قاعدين في العربية، والفيديو الثانى أول اتنين ظهرا فيه هما أحمد والشخص الطويل اللى لابس تيشيرت رمادى ده اسمه عمرو أحمد وشهرته تايسون والشخص اللى لابس تيشيرت بيج واللى جه في نص الفيديو ده أنا ومصطفى مكانش ظاهر في المقاطع دى لأنه كان بيصور.

 

س/ بأى وسيلة تم تصوير تلك المقاطع؟

ج/ مصطفى صور الفيديوهات دى كلها بتليفونه.

 

س/ وما هو دور اثناء تصوير ذلك المقطع؟

ج/ أنا لما وصلت في نص الفيديو لاقينا أحمد بيشد مع الأمين، فأنا حاولت أهدى قولتله ما أنت اللى كسرت المراية ولما لاقيت أحمد بيزيد في تهزيئ الأمين قولتله امشى من هنا.

 

س/ وضح لنا من قائل لفظ السباب بالمقطع الرابع الذى لم يظهر هوية قائلة؟

ج/ أحمد  وشهرته "حريقة" هو اللى شتم الأمين بس الكاميرا ماكنتش جايباه وجابته بعدها بعد ما شتم.

 

س/ ما المقصود بالعبارة الواردة بالمقطع الثالث على لسان المتهم أحمد "العربية دى عليها حصانة"؟

ج/ هو قصده يقول للأمين أنه ميقدرش يعمل حاجة مع أحمد ولا مع العربية.

 

80376-نص-تحقيقات-صديق-طفل-المرور
نص تحقيقات صديق طفل المرور

 

س/ ومن قائل عبارة "أنا بصور اللقطة لوالده وبس"؟ وبماذا يقصد؟

ج/ ده مصطفى وقصده إن الفيديو هيبعته لوالد أحمد.

 

س/ ما المقصود بالعبارة الواردة بالمقطع الثانى على لسان المتهم أحمد "والله أنا كفيل أكلك علقة أموتك"؟

ج/ أحمد قصده أنه يهدد أمين الشرطة.

 

س/ ولم قام المتهم أحمد بإتيان ما سبق؟

ج/ هو أحمد قال كده علشان معتمد على سلطة أبوه وإنه معاه حصانة.

 

س/ ما صلتلك بالمقطع الرابع المعروض عليك المصور عبر لايف موقع التواصل الاجتماعى إنستجرام؟

ج/ المقطع ظاهر فيه أحمد والناس التانيين اللى معاه أعرفهم من شكلهم، وشكلهم عاملين بث مباشر وبيشتموا فى الناس اللي بتكتبلهم في التعليقات.

 

س/ ما صلتك بالمقطع الخامس المعروض عليك؟

ج/ المقطع ده ظاهر فيه أحمد والعربية اللى راكبها هي نفس عربية أبوه والمقطع شوفته من شهرين.

 

س/ ما هو سبب قيام المتهم بالتحدث مع فرد الشرطة بتلك الطريقة؟

ج/ هو أكيد بيستهزأ بأمين الشرطة وبيعتمد على سلطة أبوه.

 

س/ وما هو قصدكم من ارتكاب الواقعة؟

ج/ أنا معملتش أى حاجة، وأحمد هو اللى هزأ أمين الشرطة وسخر منه، وحتى أول الواقعة عمرو ومصطفى ورامز هما اللى ضحكوا على موضوع الكمامة، وأنا كمان ضحكت معاهم بس محدش فينا اتكلم ساعتها، واحنا اللى خلينا أحمد يعتذر لأمين الشرطة.

 

س/ وما قولك فيما قررته سلفا بصدر التحقيقات من أنك لم تبادر بالسخرية مثل باقى المتهمين بشأن واقعة الكمامة؟

ج/ أنا مرضيتش أقول كده في الأول، بس الحقيقة أنا ضحكت زيهم، وأنا عايز أقول إنى هزأت أحمد وقولتله يعتذر لأمين الشرطة.

 

Google News تابع آخر أخبار اليوم السابع على Google News

موضوعات متعلقة

Trending Plus

اليوم السابع Trending

تطبيق مهم من جوجل يختفى على ساعة أبل

تطبيق مهم من جوجل يختفى على ساعة أبل الأربعاء، 02 يوليو 2025 12:00 ص

الأكثر قراءة

تفاصيل مصرع شاب داخل عقار فى أبو النمرس

ماذا يحدث إذا لعب توم هولاند شخصية جيمس بوند؟

أعلى 10 أندية دخلًا من بيع اللاعبين فى آخر 10 سنوات.. تشيلسي يتصدر

ناشئات الطائرة أمام كندا فى بطولة العالم بكرواتيا

"بؤبؤ" أغنية جديدة لـ مصطفى شوقى كلماته وألحانه ويطرحها قريبا


الامتحان فى جيبك.. مراجعة ليلة الامتحان بمادة الجغرافيا للثانوية العامة

تحديث عاجل من الأرصاد الجوية: سقوط أمطار رعدية على هذه المناطق

أمطار مفاجئة تضرب القاهرة الجديدة في توقيت غير معتاد

رابط نتيجة الدبلومات الفنية 2025 الدور الأول فور ظهورها والاستعلام برقم الجلوس

فيديو صادم وتفاصيل مؤلمة.. نهاية مأساوية لقصة الطفلة التونسية مريم


خالد جلال وحمزة العيلى يقدمان العزاء فى والدة هشام إسماعيل

مصرع طالب ثانوى صعقا بالكهرباء بسبب الأمطار فى العاشر من رمضان

إحالة مالك شركة للمحاكمة بتهمة النصب على المواطنين بزعم تسفيرهم للخارج

محافظ القاهرة يقيل رئيس حى دار السلام بسبب مخالفات البناء

تعرف على راتب يانيك فيريرا مع الزمالك

جلسة الحى الراقى تُنهى صفقة عمر الساعي للمصرى مقابل 50 مليون جنيه

إحالة سائق ومالك السيارة المتسببة فى حادث الطريق الإقليمى إلى الجنايات

سعد الصغير يظهر برفقة زوجته وأولاده ويخطف الأنظار

الطقس غدا شديد الحرارة وشبورة ورطوبة مرتفعة والعظمى بالقاهرة 36 درجة

القومى لعلوم البحار: لم نرصد أى نشاط للحركات الأرضية المسببة لـ"تسونامى"

لا يفوتك


المزيد من Trending Plus
Youm7 Applcation Icons
اليوم السابع اليوم السابع اليوم السابع اليوم السابع اليوم السابع اليوم السابع هواوى