الرئيسية ثقافة

"بقيت تاكسى" قصيدة جديدة لـ الشاعر ماهر مهران

الشاعر ماهر مهران

الأربعاء، 23 ديسمبر 2020 10:00 م

ننشر قصيدة "بقيت تاكسى" للشاعر ماهر مهران، والتى يقول فيها:

بتدوّر على ابتسامة فى الوشوش الغضب

تلاقى جهنّم متشبّحة

فى وشوش شاخت من كُتر التعب..

تاخد نفس يحميك من الموت

ويصبّرك على النار القايدة فى نفوخك

فـ تزيد شروخك

وأسمع طقطقة روحك

وهى بتسقط زى صفصافة مخوّخة تحت رجليك

عاوز تفضفض بالقلم؟

طب القلم مكسور

عاوز تبقا متماسك

وأنت كما البنّور؟

عاوز تهج من مخاليق بتخنق فيك

طب إزاي

وأنت كل ثانية بيخبطك سور؟

تقول لنفسك:

ليه كل شيء بالدور إلا الحزن؟

اللى صاحبنى من قبل ما الأرض تشم ريحة ضلّي..

خلّى مش خلّي

وسندى على كتفى متدّلي

واللى حلمت بيه يرقص معايا فوق السحاب

عمّال بيعصر فى روحى عصر

سامع طقطقة روحي؟

سامع الكسر؟

عارف إنى وصلت لأخر نقطة صبر؟

خلّى بالك لأحسن يجرحك غمّى ..

طب شايف الشماتة على شعري

اللى شاب من كتر الهموم؟

حقيقى أنا جبته لنفسى

وحقيقى أنا مش مظلوم

وأستاهل تحاصرنى الغيوم

والمناهدة

وتقطيع تياب روحي!!

الصبر نبى بيطفّى الحرايق

وبيضحّك المتضايق

وبيطبطب على اللى بيقوموا مرعوبين

من قسوة الكوابيس..

واللى بينعّروا فى الودان كما الجواميس..

واللى بياكلوا فى بعض كما الدّود

الجهل عدو لدود

والبلادة أشد

مين اللى قتل الشاعر

اللى خلّا الروح ترفرف؟

مين اللى خلّا العيشة

على أشباه ناس تصفصف؟

مين اللى بوّظ المولد

قبل ما اشترى دبلة فالصو لحبيبتي؟

مين اللى موّت السمك

قبل ما أروح له بسنارتي؟

مين اللى حرق الطين

قبل ما نعمل منه بيوت وزيار مُيّة؟

أنا قبل ما أتولد

كنت أنبه النّاس وأسعد

دلوقتى يومى بسنة

ضحكتى سُخرية

نظرتى مش هيّ

رفرفة روحى بكا على نفسي

دلوقتى بقيت عكسي

دلوقتى بقيت تاكسى

الكل فيه يركب ويدلدل

ويجر الشّكل

ويرمينى ف عامود النار

الواصل بين الصبر والانفجار..

تقدر تقول:

أنا كنت سكّر

وربّك ينتقم منهم

خلّونى شيح

ومرار!!

تابع آخر أخبار اليوم السابع على Google News

ماهر مهران

قصيده

بقيت تاكسى

شعر

قصائد

انسخ الرابط Short URL

موضوعات متعلقة

"من ضفايرها نازل البرقوق زبايط" قصيدة جديدة لـ الشاعر ماهر مهران الإثنين، 04 مايو 2020 04:30 م

"ساب الْحِنّة معجونة وماتحنّاش" قصيدة لـ الشاعر ماهر مهران الإثنين، 19 أغسطس 2019 10:00 م

"هاطلع على أسيوط" قصيدة للشاعر ماهر مهران السبت، 06 أبريل 2019 08:00 م

أين أذهب يا رب.. رواية جديدة لـ"ماهر مهران" عن بدائل الأحد، 23 ديسمبر 2018 06:00 ص

الشاعر ماهر مهران يقدم قصيدة "وقفة مصاروة"إلى أبطال نصر أكتوبر الجمعة، 05 أكتوبر 2018 06:00 م

Trending Plus

اليوم السابع Trending

حظك اليوم الجمعة 15 أغسطس وتوقعات الأبراج على الصعيد المهنى والعاطفى والصحى الجمعة، 15 أغسطس 2025 12:00 ص

الأزهر: المسجد الأقصى لن يكون لقمة سائغة والحق سيعود لأهله والباطل إلى زوال الجمعة، 15 أغسطس 2025 12:07 ص

محمد صلاح يتصدر تشكيل فانتازى الدورى الإنجليزى للجولة الأولى وغياب مرموش الجمعة، 15 أغسطس 2025 12:29 ص

محافظ نابلس: الاحتلال يشن حرب استنزاف ومصر تقود الموقف العربى ضد التهجير الجمعة، 15 أغسطس 2025 12:07 ص

100 عام على ميلاد ست الحسن والجمال هدى سلطان الجمعة، 15 أغسطس 2025 12:00 ص

إعفاء طلاب الثالث الإعدادى بالعامين الدراسيين 2026 و2027 من أعمال السنة الخميس، 14 أغسطس 2025 09:28 م

ترامب: بوتين لن يسيطر على أوكرانيا فى وجودى الخميس، 14 أغسطس 2025 09:43 م

رقم قياسي لـ مصر في حضور الجماهير بمونديال ناشئي اليد رغم وداع البطولة.. صور الخميس، 14 أغسطس 2025 09:39 م

وزارة التعليم: تطبيق أعمال السنة على طلاب الثالث الإعدادى العام الدراسى 2028 الخميس، 14 أغسطس 2025 09:16 م

عائلات الأسرى الإسرائيليين: سنشارك فى إضراب الأحد ضد حكومة نتنياهو الخميس، 14 أغسطس 2025 09:30 م

عودة الشحات وبيكهام لقائمة الأهلي أمام فاركو ..وغياب العش وعمر كمال الخميس، 14 أغسطس 2025 09:25 م

خسارة ناشئى اليد أمام إسبانيا 31-29 فى ربع نهائى بطولة العالم.. صور الخميس، 14 أغسطس 2025 09:03 م

مواعيد قطارات خط القاهرة أسوان والإسكندرية والعكس اليوم الجمعة 15-8-2025 الجمعة، 15 أغسطس 2025 04:00 ص

لمسة الأبطال.. محمد صلاح ضمن قائمة ملوك الحسم في تاريخ الدوري الإنجليزي الجمعة، 15 أغسطس 2025 03:00 ص

محمود سعد: أرقام تحاليل أنغام تتحسن لكن موصلتش لمرحلة الخروج من المستشفى الجمعة، 15 أغسطس 2025 02:30 ص

سور الأزبكية راجع بروح جديدة وشكل تانى.. فيديو الجمعة، 15 أغسطس 2025 02:00 ص

مواعيد قطارات خط القاهرة الإسكندرية والعكس اليوم الجمعة 15- 8 - 2025 الجمعة، 15 أغسطس 2025 02:00 ص

محمد صلاح يتصدر تشكيل فانتازى الدورى الإنجليزى للجولة الأولى وغياب مرموش الجمعة، 15 أغسطس 2025 12:29 ص

تليفزيون اليوم السابع يستعرض تفاصيل تطبيق أعمال السنة على طلاب الثالث الإعدادى الخميس، 14 أغسطس 2025 10:00 م

إعفاء طلاب الثالث الإعدادى بالعامين الدراسيين 2026 و2027 من أعمال السنة الخميس، 14 أغسطس 2025 09:28 م

عودة الشحات وبيكهام لقائمة الأهلي أمام فاركو ..وغياب العش وعمر كمال الخميس، 14 أغسطس 2025 09:25 م

وزارة التعليم: تطبيق أعمال السنة على طلاب الثالث الإعدادى العام الدراسى 2028 الخميس، 14 أغسطس 2025 09:16 م

وزير التعليم يعلن تطبيق أعمال السنة على الصف الثالث الإعدادى الخميس، 14 أغسطس 2025 09:03 م

بريطانيا: خطط الاستيطان الإسرائيلية الجديدة انتهاك صارخ للقانون الدولى الخميس، 14 أغسطس 2025 08:50 م

المزيد من Trending Plus