"راجل و2 ستات" يناقش التضحيات فى الحياة الزوجية.. شيريهان أبو الحسن تكشف عن دراسة تثبت 92% من الرجال يرون "الست لازم تضحى عشان بيتها".. ونهال عنبر: التضحية من طرف واحد نهايتها مأساوية.. فيديو

استعرضت الإعلامية شريهان أبو الحسن، دراسة تكشف عن طبيعة مجتمعية متمثلة فى أن النساء يجب أن تضحى أكثر من الرجال من أجل إعمار بيتها، حيث خلصت تلك الدراسة إلى أن "الرجالة شايفين إن الست لازم تضحي أكتر علشان خاطر بيتها".

وأضافت شريهان أبو الحسن خلال برنامجها "راجل و2 ستات"، المذاع على قناة ON، الذى تقدمه مع الفنانتين هيدى كرم ونهال عنبر: "الرجالة تتعامل مع السيدات على أنها كأن مضحى بطبعة.. والراجل شايف الست اللى لازم تضحى فى العلاقة، ودائما ينتظر منها التضحية أكثر".

وتابعت: "هناك دراسة مصرية للمركز القومى للبحوث الاجتماعية أثبت أن السيدة بتضحى.. و92% من الرجال يرون أن السيدة لازم تضحى من أجل بيتها وأولادها.. و55% من الرجالة شافوا إن الست مكانها الطبيعى بيتها.. و45% أن شغل السيدة مسألة ثانوية مش أساسية".

وقالت الفنانة نهال عنبر: "قصة مسلسل ربع قيراط الفنانة ريهام عبد الغفور كانت ست ضحت بكل حاجة بحياتها وبسعادة.. ومش تحب تروح للدكتور وفضلت معاه وفقة جنبه وراح اتجوز عليها خطيبته الأولى.. التضحية من طرف واحد زى الحب من طرف واحد نهايتهم مأساوية".

وتابعت: "أداء لريهام عبد الغفور بالمسلسل كانت مميزة.. وريهام هتبقى ممثلة كبيرة جدا".

وقالت الإعلامية شيريهان أبو الحسن: "كم الحب والتعاطف فى الشارع المصرى لمنى فى مسلسل ربع قيراط"، مضيفا: "هناك محلات عملت خصم خاص للى جوزها اسمه أحمد واللى اسمهما منى"، متابعة: "التضحية من طرف واحد زى الحب من طرف".

وعلقت الفنانة نهال عنبر على "أكتر حاجة ممكن تخلى أى ست تمل وتزهق من الراجل" قائلة: "عدم الكلام".

وقالت شيريهات أبو الحسن: "الراجل اللى يفضل يقول نفس الكلام.. ومش متجدد.. وبيكرر الكلام على طول".

فيما قالت هيدي كرم:"ازهق من الراجل لو كسول.. ومش بيهمنى الرجل اللى ساكت فترات كتير.. والرجل الكسول بيفقد كتير من الحياة".