خالد الغندور: "الزمالك طول عمره مبياخدش بطولات كتير".. فيديو

قال الإعلامى خالد الغندور، نجم النادى الزمالك السابق، إن مانويل جوزيه مدرب النادى الأهلى السابق مدرب جيد لكنه ليس عبقريا، مستطرداً:" جوزيه مش عبقرى بس قوته كانت في شخصيته وإن اللاعيبة بتحبه، هو مدرب كويس لكن مش عبقرى بالطريقة اللى بيتصور بيه، ده بنى أسطورته التدريبية بهدف أبوتريكة في الصفاقسى فقط".

وأضاف الغندور في ندوته بتلفزيون اليوم السابع، أن لاعبى الزمالك الحاليين حصلوا على بطولات وأموال، قائلاً:" رينج الزمالك كده طول عمره بيحقق بطولات بس مش كتير، بس بيحقق بطولات، واللاعيبة اليومين دول محظوظين بياخدوا فلوس كويسة وماتشاتهم بتتذاع في كل مكان والناس كلها بتتفرج عليهم".

وتابع :"من يرون أننى زارع للفتنة أهلوية وده كلام مرسل بدون دليل"، مستطرداً:" القاضية ممكن هو هدف قاتل في توقيت قاتل أدى لهزيمة الزمالك، وفوز الأهلى بالبطولة".