مريم الخشت تكشف سر وجود 3 كلاب و4 قطط فى حياتها وتعبر عن سعادتها بمهرجان القاهرة

قالت الفنانة مريم الخشت، إنها سعيدة بحضورها فعاليات مهرجان القاهرة السينمائي الدولي، مشيرة إلى أن مهرجان القاهرة له معزة خاصة لديها، وتابعت" وكل مرة أجى أحس أني محظوظة بإنى اشتغلت شغلانة تخلينى أقدر أحضر المهرجان"، ومشيرة إلى أنها كانت هشتغل فى جمعيات الرفق بالحيوانات لو لم تمتهن التمثيل، وأن لديها قطتين وكلب بالإضافة إلى كلب عند أمها وقطتين وكلب تانى".

وتابعت الفنانة مريم الخشت في تصريحات للزميلة شروق وجدى مذيعة تليفزيون اليوم السابع، على هامش مهرجان القاهرة السينمائي الدولى في دورته الـ 42، "فخورة أننا قدرنا ننظم المهرجان السنة دي بالشكل ده في هذه الظروف الصعبة، وكان أسهل حاجة أننا نقول إننا مش هنقدر ننظمه".

وتابعت "احنا الجدول السنة دى سواء أفلام أو نداوت مش بس مليان ولكن حقيقي مبهر، انتى فعلا مش عارفه تحضرى ايه ولا ايه أنا حصلي حاجه لأول مرة تحصلي في ندوة نفسي أحضرها مش عارفه هقدر أحضرها ولا لا بسبب أن  التذاكر ممكن تكون خلصت ومش عارفه أزعل لأن ممكن أحضر حاجة تانى مهمة حابة كمان أحضرها".

واستطردت، "احسن حاجة في 2020 اتعرفت على ناس مبسوطة جدا انهم دخلوا في حياتي، ومنهم أسماء جلال وهدى المفتي وريم سامي.