فنان صغير يغازل الحضارة الفرعونية باسكتشات بالرصاص.."رسم أبو الهول بعضلات"

بالرغم من صغر سنه التى لم تتجاوز الـ 10 سنوات إلا أن محمد وائل الطالب بالصف الرابع الابتدائى استغل وقت فراغه فى ممارسة موهبته التى طالما أحبها وهى الرسم، نفذ كثير من الرسومات غالبيتها كانت بخطوط من القلم الرصاص، وفى بعض الأحيان بالقلم الجاف، كانت غالبيتها تغازل الحضارة الفرعونية برسومات تعكس أفكاره عنها.

محمد وائل

وقالت والدة الطفل لـ"اليوم السابع": "وفرت له اسكتشات خاصة للرسم بعيداً عن أدوات المدرسة، وهو بيحب يرسم بالجاف والرصاص بس. فى الأول كنت فاكراه شخابيط، لحد ما لقيته عامل أكتر من رسمة وكلها بتفاصيل واضحة كأن اللى راسمها حد كبير".

أحد رسومات محمد وائل

إحدى رسومات محمد وائل

وقالت الأم: ابنى لديه ولع شديد بالحضارة المصرية القديمة "تصيبه حالة من الانبهار لما بيشوف أى حاجة خاصة بقدماءنا المصريين، عنده عشق للحضارة الفرعونية والرسومات الفرعونية وبيحب يقلد رسوماتهم مع لمساته الخاصة، فرسم ابو الهول بعضلات عشان فى مخيلته أنه قوى جدا وبيحمى الأهرامات من السرقة".

اسكتش ابو الهول

وجه فرعوني

عندما لاحظت الأم انغماس طفلها فى موهبته وبذله مجهود كبير حتى يخرج كل صورة بجودة وتفاصيل عالية قررت تنمية تلك الموهبة بتوفير كل الأدوات اللازم لصقلها قائلة: "اكتشفت إن ذاكرته ممتازة، يشوف أى رسمة ينفذها بالظبط من خياله".

إحدى الرسومات بالرصاص

وأضافت أن محمد لا يعشق الرسم وخاصة اسكتتشات عن القدماء المصريين واللغة الهيروغليفية، بل  أحب تاريخ مصر كله بجميع مراحله، ويتمنى الطفل أن يستثمر تلك الموهبة حتى يكبر ويدرس تاريخ وآثار بلده قائلا: " عشان أحافظ عليها لازم أحبها". 

رسمة بالرصاص

محمد وائل