ندى الشاذلى فى عرض فيلم "عنها" بمهرجان القاهرة: مبسوطة وفخورة ومتوترة

رصدت كاميرا تليفزيون اليوم السابع، فعاليات الفيلم المصرى "عنها" للمخرج إسلام العزازى فى اليوم السابع من مهرجان القاهرة السينمائى الدولى فى الدورة 42 المقام بدار الأوبرا المصرية، كما حضر جميع صناع الفيلم.

وأجرت الزميلة شروق وجدى لقاء مع الفنانة ندى الشاذلى، بطلة الفيلم، أثناء حضورها على السجادة الحمراء لفيلم عنها، من تصوير الزميل أحمد السنهورى.

وفى بداية اللقاء قالت ندى الشاذلى: "أنا حاسة إنى مبسوطة فخورة ومتوترة وخايفة، الفيلم بتدور أحداثة في الثلاثينات عن واحدة جوزها أو حبيبها بيتقتل وهى بتتعامل ازاى من ساعة الموقف ده وهو فيلم خاص جدا بتدور أحداثه في مكان واحد وهو شقة الشخصية وبتدخلى معاها في رحلتها في اكتشاف هي هتخرج ازاى من الموقف ده" .

 

وعن الصعوبات التي واجهتها أثناء قيامها بدور بطولة الفيلم، قالت ندى الشاذلى: "أصعب حاجة واجهتها اللغة بتاعة الفيلم.. علشان هي قديمة بتاعة الثلاثينات.. وحاولت اعمل أقصى حاجه عندى في الموضوع ده" .

وعن قيامها بدور البطولة قالت ندى الشاذلى: "أنا كنت مركزة أوى على الشغل.. كنت بشتغل في الموضوع مكنتش شاغلة بالى بأى حاجة تانية" .

وعن اللوك الذى ظهرت به اليوم، قالت: "أنا كنت عايزة ألبس بدلة فيها حاجة من الشخصية بس تكون أنا ورحت عملتها"، مؤكدة أنها تلقت دعم كبير من منتجة العمل دينا فاروق.

فيلم "عنها" من بطولة، ندى الشاذلى، فدوى عابد، صلاح فهمي، وأحمد مالك ضيف شرف الفيلم، ومهندس الديكور أنسى أبو سيف، ومدير التصوير عبد السلام مرسى، والفيلم من إنتاج دينا فاروق، وإخراح وسيناريو إسلام العزازى.