القارئ الحسينى الطاهر يكتب : كان باقى شيء

كان باقى شيء زى البذور

بتحن أمَّا يجى الربيع

زى العطور زى الزهور

زى الرضيع ف وشه نور

يغضب أوى ويرجع سريع

لا يغش ولا ممكن يدور

 من غير حنان امه يضع

كان باقى شيء زى البذور

 كان باقى شيء بنَّا وتاه

 مقدرشى يتحدى الألم

معرفشى أيه معنى الحياة

 جه من عدم وأصبح عدم

مين اتظلم ومين ظلم

فوضت أمرى للإله

 كان باقى شيء بنَّا وتاه

كان باقى شيء تحت الرماد

متغطى بشوية عشم

أنت قتلته بالعناد

وكل شيء بنا اتقسم

كان باقى ليك حبة وداد

فات الميعاد فات الميعاد

 ورمتنى فبحور الندم

كان باقى شيء تحت الرماد

 كان بنا شيء طاهر بريء

شمعة تنور بالطريق

ونس براح امل بريق

 صديق فى وقت الضيق يلم

كان بنا شيء طاهر بريء

 كان باقى شيء بنا انكسر

 ضاع الطريق قبل السفر

أنا كنت بحلم وانت حلم

ان ارسمك غيمة ومطر

تروى عطش كل البشر

عصافير تزقزق عالشجر

لكن خسارة حظى كدا

وكل شيء قسمة وقدر

كان باقى شيء بنا انكسر