فيديو.. أحمد خليل: أحسن دخلة كانت دخلتى على ليلى فى مسلسل حديث الصباح والمساء

قال الفنان أحمد خليل، إن أجمل ليلة دخلة كانت بينى أنا وليلى علوى، فى مسلسل حديث الصباح والمساء، لتقاطعه دلال عبد العزيز قائلة، "ده كان حدث"، ليتابع أحمد خليل، قائلا، "شيلها كان سهل بس الفستان كان تقيل، وخلى رجالة مصر عاوزين يقتلونى"، لتعلق ليلى علوى كان وزنى زايد وكنت خايفة عليه بس هو طلع تمام".

وأضاف خلال لقائه ببرنامج صاحبة السعادة مع الإعلامية إسعاد يونس، "على فكرة المشهد ده كان ليه كمالة أنا شيلتها لحد السرير بس المصورين سابوا الكاميرا وقعدوا يبصوا".

وقال المخرج أحمد صقر، "أنا عجبنى مشهد تانى في أوضة النوم بتاع الصباحية لما قعد يتنطط على السرير".

ووتضيف دلال عبد العزيز، أن الفنان أحمد خليل عمل نقل كبيرة جدا من المراكبى إلى ابن القصور بشكل حلو قوى حتى غيرته من خالد النبوى ورجوعه لأصله على السفرة.

وأبدت ليلى علوى إعجابها بمشاهد عبلة كامل ومحمود الجندى وقالت إنه كان عبقريا، وأنا أقرأ الرواية عجبنى مشهد وأنا بقول لأحمد خليل ورينى إيدك، وكنت حافظة المشهد ولما بصيت في إيد الأستاذ أحمد قعدت اتغزل في ايده وأبصله وجوايا حاجات كثيرة مش عاوزة أوريهاله أنا بحب المشهد ده.