المرتب الحزين عنوان حلقة اليوم من برنامج "جت ع الجرح" مع دينا عبدالعليم

ناقشت الزميلة دينا عبدالعليم في موضوع حلقة اليوم من برنامج "جت ع الجرح"، أزمة "المرتب" التى تشغل بال الجميع، وقالت في حلقة اليوم: "عزيزى المرتب إزيك وحشتنى قوى إنت مش بتجيى ليه ؟ تعالى بقى!!".

وتقدم "دينا عبدالعليم" نصائح للموظفين للتعايش النفسي مع "المرتب" بعد تجربتها التي تعتبرها ناجحة في هذا الشأن، وتقول أن البعض يرى في مرتباتها "ذهب مع الرياح، وناس تانية خرج ولم يعد، وناس تالتة بتعتبر مرتباتها طيور الظلام"، مضيفة: "أول يوم في الشهر زى أخر يوم في الشهر بتعامل مع المرتب على أساس أنه واحد صاحبه بس صحته على أده، بيجي بعد أول 5 أو 6 أيام وتلاقيه ماشي بيعرج"، ولو حبينا نطلع عليه اسم هنطلع عليه لقب "المرتب الحزين".

وتقول "عبدالعليم" خلال الحلقة: "قصتنا كلنا وكلنا عايشين مع مرتبنا نفس الحال بس بمسميات مختلفة ولو عاوز تعيش فى سلام نفسى مع المرتب وميتحولش لازمة كل شهر، اتعامل معها كأنه واحد صاحبك".

وتساءلت: هل إنت بتعرف تتعامل مع المرتب بتاعك ؟، اتعامل معاه على اعتبار أنه واحدة ست، عمرك ما هتخده فى صفك إلا لما تسايسه، دلعه يحبك خف عنه طلبات يعشقك متقلش منه علشان هو كمان ما يقلش منك وبلاش تستناه".