رسائل النواب لأمهاتهم في عيد الأم..سحر طلعت: "الدنيا في كوم وأمى في كوم".. عمرو غلاب:"بلجأ لها في كل تصرف وبناقشها في كل القرارات".. جون طلعت: "فضلها كبير عليا".. وطارق الخولى ينشر صورة له مع والدته منذ 1986

وجه عدد من أعضاء مجلس النواب، رسائل لأمهاتهم اليوم في عيد الأم، من خلال منشورات لهم على صفحاتهم على وسائل التواصل الاجتماعى، وسط تفاعل كبير من المتابعين لهم، على تلك الكتابات الإنسانية، وأرفقوا صورا لأمهاتهم مع تلك المنشورات، فيما نشر النائب طارق الخولى صورة له مع والدته منذ عام 1986.

النائبة سحر طلعت مصطفى نشرت صورة لوالدتها على الفيس بوك، وكتبت : " اللى فى الصورة دى تبقى أمى ..  ودا يوم افتتاح نادي أبطال دار الحنان فى إسكندرية .. واحدة من مؤسسات طلعت مصطفي المجتمعية .. الصورة دى بتختصر كلام كتير وكبير مش هقدر ولا أعرف أكتبه عنها النهاردة في عيد الأم .. أمى أكبر من أى كلام  ".

وتابعت النائبة سحر طلعت مصطفى، : " حنانها ما يتوصفش وحضنها يساع كل الحبايب ..كل شخص قرب منها يعرف روحها كويس أوي، الروح اللي ملهاش زي، أمي بخفة دمها، وبقلبها الكبير، وطيبتها وضحكتها، وبكل ما فيها، خلت الدنيا في كوم .. وأمى في كوم ".

ونشر النائب عمرو غلاب صورة لوالدته على الفيس بوك، وكتب، : "كل سنة وحضرتك بخير يا أمي ..

وتفضل دعواتك معايا طول العمر .."ربنا ينصرك على من يعاديك" دعوتها دايما ليا، علشان كده يمكن طول الوقت مطمن، لإني واثق إن ربنا بيسمعها وبيستجيب ..طول الوقت مقدرة انشغالي وتقصيري لإنها من أسرة سياسية فمتفهمة كل شيء ".

وتابع النائب عمرو غلاب، : " بلجألها في كل تصرف وأي قرار وأشورها، تنصحني وتتناقش معايا كأعظم صديق، وفي الآخر تقولي "اللي فيه الخير هيعملهولك ربنا يا عمرو" .. أستريح وأطمن .."خلي بالك من الغلابة انت وأخوك يا عمرو .. دول الأساس " .. جملة أمي اللي هتفضل حلقة في وداننا كلنا ..كل سنة وحضرتك بخير وصحة يا أمي وكل أمهاتنا على راسنا من فوق".

ونشر النائب جون طلعت صورة له مع والده ووالدته، وكتب، : " إيه اللي ممكن يتكتب عن الأم في عيدها ؟، مهما كتبت ومهما قولت مش هوافيها حقها ، أمي ...كل سنة وأنتي بخير ، كل سنة وأنتي ضحكة وحضن وقلب كبير بيضمنا كلنا ...من أغلى الصور عندي ".

النائب جون طلعت، قال : "أمي وأبويا اللي فضلهم عليا كبير .. ربنا يخليهم ليا .. وكل سنة وكل أم في مصر بخير وصحة ".

ونشر النائب طارق الخولى صورة له مع والدته منذ عام 1986، وكتب عليها، : " مارس 1986 .. أنا وأمى".