والدة الشهيد الشبراوى: "عايشه على زكرياته.. واللى يحب مصر يقعد فى بيته"

بمناسبة عيد الأم، هنأ الإعلامي خالد أبو بكر، هدى محمد، والدة الشهيد الرائد أحمد الشبراوي، قائلا لها: "كل سنة وأنتي طيبة، إنتى عارفة يا حاجة هدى إن ليكى فضل علينا، إنتى عندك تاريخ محدش يعرف يعمل زيه، حتى لو بملايين".

بدورها، قالت والدة الشهيد، خلال مداخلة هاتفية ببرنامج "كل يوم"، الذى يقدمه خالد أبو بكر، على شاشة "on e"،: "الحمد لله فضل من الله ونعمة..  كثيرون هنأونى اليوم بمناسبة عيد الأم.. حبايبى كتير وحبايب أحمد كتير، واللى مجاش اتصل بيا، وربنا يخلى مصر وأولادها يا رب"، موضحة أنها تحكى بطولات أحمد لأولاده "عمر" و"تالين".

وواصلت:"إحنا عايشين على ذكريات أحمد، ربنا يرحمه كان بطل ويحب مصر وبلده وبيشتغل بجد وإخلاص، أحمد كان رئيس عمليات الكتيبة 103 صاعقة مع الشهيد أحمد منسي، الحمد لله ماتوا وسلاحهم في إيدهم".

ووجهت رسالة للمواطنين بسبب فيروس كورونا قائلة: "يا ريت اللى يحب مصر يقعد في بيته، ويلم أولاده وعياله ويقعد، عشان يعيش، أولادنا ماتوا عشان أنتم تعيشوا، واصلوا طريقهم، وكفاحهم، عشان نخلص من الغمة دى والوباء ده، ربنا يعديها على خير".