بشرى: أنا مواليد الثمانينات ومحدش يقدر يكذب طول ما السجل المدنى موجود

اعترضت الفنانة بشرى على تسجيل بعض المواقع لها وتهنئتها بعيد ميلادها ومن بينها "ويكبيديا"، وأكدت أن البعض يتداول معلومات غير صحيحة عن عمرها، مثل ويكبيديا الذى يصر على تخطيها الأربعين.

وقالت بشرى عبر حسابها على انستجرام، "بالنسبة للناس و الويكيبيديا اللى مصرين يكبرونى بالعافية ...صحيح ان خبرتى فى الحياة تعمل ٧٢ مش بس ٤٢ بس يا جماعة مستعجلين على ايه؟؟!! ما احنا كدة كدة رايحين رايحين و خصوصا مع جنون الأوبئة اللى هبت علينا بس يؤسفنى انى ابلغكم للمرة الالف انى مواليد الثمانينات والله ثمانينات و محدش يقدر يكذب طول ما السجل المدنى موجود .. و عموما سواء كنت امرأة ثلاثينية او أربعينية او حتى فى سن السبعين ف هفضل شحرورة فى نفسى طول ما انا عايشة.. بس خلاص .. و كل كمامة وانتم طيبين".

بشرى على انتسجرام

وكانت بشرى قد حرصت قبل عدة أسابيع على التقاط صور تذكارية مع الأطفال أثناء زيارتها لمؤسسة مجدي يعقوب للقلب في أسوان؛ وقالت بشرى لـ"اليوم السابع": "لازم أشكر ربنا على نعمة الصحة والتنفس، ولا أعلم إزاى ربنا قدرنى على زيارتهم على الرغم من أننى أعانى من صعوبات في التنفس".

وكانت الفنانة بشرى، قضت عدة أيام فى المستشفى لتلقى العلاج كونها مريضة حساسية موسمية من حوالى أسبوع، بينما تلقت باقى العلاج فى المنزل، وطالبت الجميع بعدم إثارة الشائعات حولها، وذلك عبر حسابها على انستجرام.