تامر الخشاب يكشف طريقة الإخوان الجديدة للتحريض ضد مصر فى "كمين"

قال الإعلامى تامر الخشاب، مقدم برنامج "كمين"، الذى يذاع على قناة الحياة: "عندما تشاهد إعلام الشر تجد كل يوم نفس المذيعين يرددون نفس الكلام علشان يقنعوك بنفس الأفكار.. ملخص أفكارهم أنهم عند رحيل الإخوان من مصر البلد بتضيع، القناة بتخسر والكبارى بتقع والاقتصاد بينهار والديون زادت والطرق اتقفلت".

وتابع تامر الخشاب: "عندما تجاهلهم المواطنين بدأوا فى تغيير طريقتهم، اضطروا يغيروا جلدهم، ويبعدوا عن أي تحريض مباشر ودعوات للنزول، ولكن أفكارهم لم تتغير ويحاول يوصلك للى هو عاوزه بشكل مباشر عن طريق عدة طرق علشان تعيش حالة السواد، وتعمل اللى هو عاوزه بتقارير مزيفة ويحسسك إن الشارع بيغلى، ويقولك إن ده رأى العلم والاقتصاد والشارع، وعندما يكذبه أحد يقول إنه رأى الخبير وليس رأيه".

وأكمل: "بدل ما يقولك أن الاقتصاد انهار هيجيب تقرير يقول إن البلد مديونة ومش هيسيبك غير لما يقنعك إن مصر هتفلس والاقتصاد خربان".

وتساءل "الخشاب" هل هناك بلد على شفا الإفلاس تعمل شبكة طرق بهذا الحجم؟، وهل لو أنها مديونة هتعالج الشعب من فيروس سى أو تعمل مجتمعات عمرانية؟ لكن العدو عاوز يعيشك في الدونية والخزى.