عمرو أديب: العالم سيشهد موجة ثانية من كورونا وبرة بيقولوا ذورته بمصر فى يونيو

علق الإعلامي عمرو أديب، على ما يتم تداوله حول فيروس كورونا خارج مصر، والحديث عن موجة ثانية من الفيروس في العالم، وقال: "برة الناس بتقول أن في موجة تانية من الفيروس، ودي تبقى كارثة بيقولوا أن الموضوع مخلصش خالص لحد هنا، أقولكوا على حاجة، الناس برة مصر بيقولوا أن نسبة ارتفاع أرقام المصابين وذورة فيروس كورونا في مصر هتبدأ في يونيه، في الوقت ده بقى البلاد التانية اللي شافت الويل الأيام اللي فاتت، هتكون في يونيو في اللي بتشم نفسها.

وأضاف عمرو أديب خلال برنامج "الحكاية" الذي يذاع على قناة mbc مصر: "تلاقي فويس مبعوتلك على الواتس اب لدكتور مجهول بيقول للناس انزلوا وأن الدنيا حلوة ومفيش حاجة والمرض مبيجيش للمصريين، لا حد عارف مين ده ولا بيعمل كدة ليه ولا عاوز يموت الناس ليه ويأذي المجتمع ليه، حقيقة الأمر أنه فيروس خطير وقاتل، أتوسل إليكم سيبوا مسافة بينكوا وبين بعض، وأغسلوا أيديكم".

وأوضح عمرو أديب: "يوم الاتنين الجاي مفيش شم نسيم، هل ده منظر بلد فيها وباء، أنتو تعرفوا إيه احنا مش عارفينو، أنا بشوف شباب في الشارع بيتصوروا بسيلفي ستيك، طيب يا ابني أفرض حد فيكو عندو المرض، ده برة الناس بتقبض على اللي مش بيلبس كمامة، وغرامة 1000 دولار، رغم أن الشعب عنده وعي هناك".