رئيس اتحاد المصريين بأوروبا يبكى على طفل مات وحيدا جراء كورونا بلندن

سرد الدكتور عصام عبد الصمد أستاذ التخدير والرعاية المركزة بلندن ورئيس اتحاد المصريين بأوروبا، قصة طفل صومالى مات وحيدا جراء كورونا وعائلته في الحجر الصحى بلندن، موضحا أن الطفل يدعى إسماعيل وهو أصغر مصاب في بريطانيا شعر بالإعياء الإثنين الماضى، ووجدوا أنه مصاب بالكورونا وتم أخذه وحيدا، ووضع أهله في حجر صحى منزلى.

وأضاف خلال مداخلة هاتفية لبرنامج "التاسعة"، عبر التليفزيون المصرى، مع الإعلامى وائل الإبراشى: "الطفل قد يبكى لحد يوم الأربع ولم يستطع التنفس، وتم إدخاله على جهاز التنفس الصناعى ويوم الجمعة الرئة لم تستطع التحمل وتوفى، والأسرة كلها في الحجر الصحى الطفل يتيم والده توفى منذ 5 سنوات، والمشهد إنسانى جدا".

وتابع: "من ناحية إنسانية تم التكفل بالأم، وتم تجميع 70 ألف جنيه في 10 دقائق لدرجة الحفارين مكنوش عاوزين ياخدوا فلوس، وأمه علمت بوفاته كنت موجود هناك عشان نصور فيديو كونفرانس عشان أمه تشوفه أنا ببكى من يومها".

ووجه رسالة للشعب المصرى باكيا على الهواء، قائلا: "حرام عليكم متاخدوش الموضوع بهزار، أنا عن نفسى فقدت 5 من أصدقائى وحبايبى الأسبوع الماضى، عندى أستاذ جامعى في مصر يقولى فيروس إيه دا الفيروس بنحط عليه الزيتون وبنفطر بيه، احمدوا ربنا مصر مفيهاش المواضيع دي، أنا في جزيرة صغيرة كل يوم فيها 800 شخص، أنتوا واخدينها هزار والدولة كتر خيرها بتشتغل اقعدوا في بيوتكم، والناس اللى معاهم يطلعوا فلوس والزكاة دلوقتى لو حصل لقدر الله اللى بيحصل عندنا في أوروبا مش هنستحملها في مصر".