سمير صبرى: كورونا عقاب إلهى للشعوب اللى نسيت الإيمان والالتزام

أجرت الإعلامية بوسى شلبى لقاء مع الفنان سمير صبرى، وذلك من منزله، حيث نشرت بوسى اللقاء الذى امتد على مدى 4 دقائق، عبر حسابها على "إنستجرام"، وظهرت بوسى وهى ترتدى كمامة.

وقالت بوسى شلبى: "احنا قبل الحظر أنا حبيت أجى اطمنن على الفنان الكبير الأستاذ سمير صبرى، وأشوف يومه فى الحظر شكله إيه.. وعلشان عارفة إنه لوحدى فحبيت أجى وأشوفه، زى ما أكون لوحدى وجيرانى بيطمنوا عليا".

بوسى شلبى

وقال سمير صبرى: "يا بوسى أنا ضد إنك تقولى إنك قاعدة لوحدك فى البيت، مع احترامى لغنوة عفاف راضى، لأن الإنسان ممكن مايكونش لوحده من غير حظر، سواء مع كتبه أو مذكراته وأبحاثه، والرياضة، مع البحث فى البيت عن تغير شكل أوضة، علشان يحس أنه عمل حاجة جديدة".

 

 

 

 

 

View this post on Instagram

 

 

 

 

 

 

 

 

 

 

 

 

A post shared by بوسي شلبي (@boosy17) on

Apr 6, 2020 at 8:14am PDT

وتابع صبرى: "أنا ياما مريت على محن مرت بيها مصر، سواء حروب أو الزمن الأسود اللى كنا فيه أيام حكم الإخوان، كل النكبات اللى مرينا بيها، كان الشعب المصرى، فارض إرادته وقوى وملتزم بتعليمات الدولة له، النهاردة أنا فخور بدور الدولة فى حماية المواطن".

سمير صبرى

وأشار صبرى اإلى أن لدولة عاملة شغل هايل، بتطهر الأماكن، وبتراجع اللى بيخرج من منزله فى وقت الحظر ومحاسبته، انا مابقولش الناس ماتنزلش وتركب مواصلات عامة.. اركب المواصلات بس حط كمامة، أو منديل ورق وحطه على بوقك، ولكن الدولة ماينفعش تلزمنا بتعليمات واحنا مانعملهاش، لأن احنا فى حرب.. وكل مواطن هو جندى للدفاع عن الوطن".

وأضاف صبرى: "الشرطة تفعل المستحيل من أجل حمايتنا من هذا الوباء اللعين، العقاب الإلهى على الشعوب اللى نسيت الإيمان والالتزام، والمحبة والتسامح، إن شاء الله أنا عندي أمل، بالالتزام بكل التعليمات سننتصر وستعود مصر كما كانت دائما منتصرة، ومحروسة بإذن الله".